റഷ്യയിൽ നിന്നെത്തി ഇന്ത്യയെ കുറിച്ച് അനേകം വീഡിയോകൾ സോഷ്യൽ മീഡിയയിലൂടെ പങ്കുവയ്ക്കുന്ന കണ്ടന്‍റ് ക്രിയേറ്ററാണ് മരിയ. ഇവരുടെ വീഡിയോയ്ക്ക് സോഷ്യൽ മീഡിയയിൽ കാഴ്ചക്കാർ ഏറെയാണ്. ഇത്തരത്തിൽ പങ്കുവച്ച ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നതും.
ഇന്ത്യയിലെ ലോക്കൽ ട്രെയിനിൽ മരിയ നടത്തുന്ന ഒരു യാത്രയാണ് ഈ വീഡിയോയിൽ കാണുന്നത്. മരിയ ധരിച്ചിരിക്കുന്നത് ഇന്ത്യക്കാരായ യുവതികൾ ധരിക്കുന്നത് പോലുള്ള വസ്ത്രമാണ്. ആദ്യത്തെ ക്ലിപ്പ് മാഹിം റെയിൽവേ സ്റ്റേഷനിൽ നിന്നുള്ളതാണ്.
ഈ ദൃശ്യങ്ങളിൽ ട്രെയിനിൽ കയറാൻ തയ്യാറായി നിൽക്കുന്ന മരിയയെ കാണാം. തുടർന്ന് കാണിക്കുന്നത് ട്രെയിനിന്‍റെ അകത്തുനിന്നുള്ള കാഴ്ചയാണ്. യാത്രക്കാരോട് മരിയ സംസാരിക്കുവാൻ ശ്രമിക്കുന്നതും വീഡിയോയിൽ കാണാം.
സ്ത്രീകൾക്ക് മാത്രമായി ട്രെയിനിലുള്ള ലേഡീസ് കോച്ചിനെ കുറിച്ച് മരിയ പറയുന്നുണ്ട്. എന്നാൽ ജനറൽ കോച്ചിലാണ് അവർ യാത്ര ചെയ്തത്. ഇന്ത്യൻ റെയിൽവേയോട് സ്ത്രീകളുടെ സുരക്ഷയെ കുറിച്ച് ശ്രദ്ധിക്കുന്നതിന് അവൾ നന്ദി പറയുന്നുണ്ട്. തന്‍റെ യാത്രാനുഭവത്തെ കുറിച്ചും വളരെ നല്ല അഭിപ്രായമാണ് മരിയ പങ്കുവയ്ക്കുന്നത്.
