ഒറ്റ പ്രസവത്തിൽ യുവതി ജന്മം നൽകിയത് ഏഴ് കുഞ്ഞുങ്ങൾക്ക്. ഇറാഖിലെ ദിയാലി പ്രവശ്യയിലുള്ള ആശുപത്രിയിലാണ് ഇരുപത്തിയഞ്ച് വയസുകാരി ഏഴ് കുഞ്ഞുങ്ങൾക്ക് ജന്മം നൽകിയത്. ആറ് പെണ്‍കുഞ്ഞുങ്ങളും ഒരു ആണ്‍ കുഞ്ഞുമാണ് ജനിച്ചത്.
അമ്മയും കുഞ്ഞുങ്ങളും സുഖമായിരിക്കുന്നുവെന്ന് ആശുപത്രി വൃത്തങ്ങൾ അറിയിച്ചു. ഒറ്റ പ്രസവത്തിൽ ഏഴ് കുട്ടികൾ ജനിക്കുന്ന സംഭവം ഇറാഖിൽ ഇതാദ്യമായാണ്. ലോകത്ത് ആദ്യമായി ഒറ്റപ്രസവത്തിൽ ഏഴ് കുട്ടികൾ ജനിച്ചത് 1997ലാണ്.
