അ​ടു​ക്ക​ള അ​ക​ത്തു​നി​ന്നും കു​റ്റി​യി​ട്ട് ഇ​വ​ര്‍ സാ​രി​യി​ല്‍ തൂ​ങ്ങി​യി​റ​ങ്ങി​യ​തെ​ന്തി​ന്? ഫ്ളാ​റ്റി​ല്‍​നി​ന്നും സ്ത്രീ​ വീണ സംഭവം; ബ​ന്ധു​ക്ക​ളുടെ മൊ​ഴി​യെ​ടു​ക്കും…

കൊ​ച്ചി: ഫ്ളാ​റ്റി​ന്‍റെ ആ​റാം നി​ല​യി​ല്‍​നി​ന്നും വീ​ണു ഗു​രു​ത​ര പ​രി​ക്കേ​റ്റു ചി​കി​ത്സ​യി​ല്‍ ക​ഴി​യു​ന്ന സ്ത്രീ​യു​ടെ ബ​ന്ധു​ക്ക​ളി​ല്‍​നി​ന്നും പോ​ലീ​സ് മൊ​ഴി​യെ​ടു​ക്കും.

ബ​ന്ധു​ക്ക​ള്‍ ഇ​ന്ന​ലെ കൊ​ച്ചി​യി​ലെ​ത്തി​യെ​ന്നു വി​വ​രം ല​ഭി​ച്ചെ​ന്നും ഇ​വ​രി​ല്‍​നി​ന്ന് ഉ​ള്‍​പ്പെ​ടെ മൊ​ഴി ശേ​ഖ​രി​ക്കു​മെ​ന്നും പോ​ലീ​സ് പ​റ​ഞ്ഞു.

എ​ന്നാ​ല്‍, എ​ന്ന​ത്തേ​യ്ക്കു മൊ​ഴി​യെ​ടു​ക്കു​മെ​ന്നു വ്യ​ക്ത​മ​ല്ല. ചി​കി​ത്സ​യി​ല്‍ ക​ഴി​യു​ന്ന സേ​ലം സ്വ​ദേ​ശി​നി കു​മാ​രി​യി​ല്‍(55)​നി​ന്നും ആ​ദ്യം മൊ​ഴി​യെ​ടു​ക്കേ​ണ്ട​തു​ണ്ടെ​ന്നാ​ണു പോ​ലീ​സ് വ്യ​ക്ത​മാ​ക്കു​ന്ന​ത്.

സ്വ​കാ​ര്യ ആ​ശു​പ​ത്രി​യി​ല്‍ അ​തീ​വ ഗു​രു​ത​രാ​വ​സ്ഥ​യി​ല്‍ ക​ഴി​യു​ന്ന ഇ​വ​രി​ല്‍​നി​ന്നും എ​ങ്ങ​നെ മൊ​ഴി ശേ​ഖ​രി​ക്കാ​ന്‍ സാ​ധി​ക്കു​മെ​ന്ന​തി​ലും അ​വ്യ​ക്ത​ത നി​ല​നി​ല്‍​ക്കു​ന്നു.

മ​റൈ​ന്‍​ഡ്രൈ​വി​ലെ ലി​ങ്ക് ഹൊ​റൈ​സ​ണ്‍ ഫ്ളാ​റ്റി​ലെ ആ​റാം നി​ല​യി​ല്‍​നി​ന്നു​മാ​ണു ക​ഴി​ഞ്ഞ ശ​നി​യാ​ഴ്ച രാ​വി​ലെ സ്ത്രീ ​താ​ഴേ​ക്ക് വീ​ണ​ത്. ഗു​രു​ത​ര പ​രി​ക്കേ​റ്റ കു​മാ​രി​യെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ക്കു​ക​യാ​യി​രു​ന്നു.

ഇ​വ​രു​ടെ ആ​രോ​ഗ്യ നി​ല അ​തീ​വ ഗു​രു​ത​ര​മാ​ണെ​ന്നും വെ​ന്‍റി​ലേ​റ്റ​റി​ല്‍ തു​ട​രു​ക​യാ​ണെ​ന്നു​മാ​ണു ആ​ശു​പ​ത്രി അ​ധി​കൃ​ത​ര്‍ വ്യ​ക്ത​മാ​ക്കു​ന്ന​ത്. സം​ഭ​വ​ത്തി​ല്‍ ഇ​തു​വ​രെ പോ​ലീ​സ് കേ​സ് ര​ജി​സ്റ്റ​ര്‍ ചെ​യ്തി​ട്ടി​ല്ല.

സാ​രി​യി​ല്‍ തൂ​ങ്ങി ഇ​റ​ങ്ങു​ന്ന​തി​നി​ടെ താ​ഴെ വീ​ണ​താ​കാ​മെ​ന്നാ​യി​രു​ന്നു പോ​ലീ​സി​ന്‍റെ ആ​ദ്യ​നി​ഗ​മ​ന​മെ​ങ്കി​ലും അ​ടു​ക്ക​ള അ​ക​ത്തു​നി​ന്നും കു​റ്റി​യി​ട്ട് ഇ​വ​ര്‍ സാ​രി​യി​ല്‍ തൂ​ങ്ങി​യി​റ​ങ്ങി​യ​തെ​ന്തി​നാ​ണെ​ന്ന കാ​ര്യ​ത്തി​ല്‍ ദു​രൂ​ഹ​ത നി​ല​നി​ല്‍​ക്കു​ക​യാ​ണ്.

ആ​ത്മ​ഹ​ത്യാ ശ്ര​മ​മാ​ണെ​ങ്കി​ല്‍ കെ​ട്ടി​ട​ത്തി​ല്‍​നി​ന്നും ചാ​ടി​യാ​ല്‍ മ​തി​യ​യെ​ന്നി​രി​ക്കേ സാ​രി​യി​ല്‍ തൂ​ങ്ങി​യി​റ​ങ്ങി​യ​തു ര​ക്ഷ​പ്പെ​ടാ​നു​ള്ള ശ്ര​മ​മാ​യി​രു​ന്നോ​യെ​ന്നും അ​ന്വേ​ഷി​ക്കു​ന്നു​ണ്ട്.

ഇ​ക്കാ​ര്യ​ത്തി​ല്‍ പ​രി​ക്കേ​റ്റ കു​മാ​രി​യു​ടെ മൊ​ഴി​യെ​ടു​ത്താ​ല്‍ മാ​ത്ര​മേ കൂ​ടു​ത​ല്‍ വ്യ​ക്ത​ത വ​രി​ക​യു​ള്ളൂ.