ഫുട്‌ബോളിലെ സൂപ്പര്‍താരങ്ങളായ മെസിയുംനെയ്മറും ക്രിസ്റ്റ്യാനോ റൊണാള്‍ഡോയുമൊക്കെ ഗോദയില്‍ ഗുസ്തി പിടിച്ചാല്‍ എങ്ങനെയുണ്ടാകും. ഒരിക്കലും നടക്കാത്ത കാര്യമെന്ന് പറഞ്ഞ് തള്ളിക്കളയാന്‍ വരട്ടെ.
ഇത്തരമൊരു വീഡിയോയാണ് ഇപ്പോള്‍ വൈറലായിരിക്കുന്നത്.റെസ്‌ലിംഗിന്റെ വീഡിയോയില്‍ ഫുട്‌ബോളിലെ സൂപ്പര്‍താരങ്ങളുടെ തല മോര്‍ഫ് ചെയ്ത് കയറ്റിയാണ് വീഡിയോ തയ്യാറാക്കിയിരിക്കുന്നത്.
നെയ്മറിന്റെ കഴുത്തിനു പിടിച്ചു തള്ളുന്ന മെസിയെയും സെര്‍ജിയോ റാമോസിനെ പൊക്കിയെടുത്ത് മലര്‍ത്തിയടിക്കുന്ന ക്രിസ്റ്റ്യാനോ റൊണാള്‍ഡോയെയുമെല്ലാം വീഡിയോയില്‍ കാണാം.
അന്റോയിന്‍ ഗ്രീസ്മാന്‍,കെയ്‌ലര്‍ നവാസ്, ഡീഗോ കോസ്റ്റ, ഏദന്‍ ഹസാര്‍ഡ്, ലൂയി സുവാരസ്,ജയിംസ് റോഡ്രിഗസ് എന്നു വേണ്ട ഒട്ടുമിക്ക സൂപ്പര്‍ താരങ്ങളും ഗോദയിലിറങ്ങുന്നുണ്ട്. ലോകകപ്പ് ഫൈനല്‍ വരെ റസ്‌ലിംഗ് രീതിയില്‍ അവതരിപ്പിച്ചിരിക്കുകയാണ്.
ഇംഗ്ലീഷ് ടീം പരിശീലകന്‍ ഗാരത് സൗത്ത്‌ഗേറ്റ്,ജര്‍മന്‍ പരിശീലകന്‍ ജോവാക്വിം ലോ തുടങ്ങിയവരും വീഡിയോയില്‍ പ്രത്യക്ഷപ്പെടുന്നു. റെസ്‌ലിംഗ് കൂടാതെ താരങ്ങളുടെ സാഹസിക പ്രകടനങ്ങളും വീഡിയോയില്‍ കാണാം.
മെസി കയറില്‍ കെട്ടി ബസ് വലിക്കുന്നതും വീഡിയോയിലുണ്ട്. വേള്‍ഡ് കപ്പ് ഇന്‍ മെംസ് എന്ന് ഫേസ്ബുക്ക് പേജില്‍ വന്ന വീഡിയോ ഇതിനോടകം മുപ്പതിനായിരത്തിലധികം ആളുകള്‍ പങ്കുവച്ചു കഴിഞ്ഞു.
