ന്യൂഡൽഹി: വനിതാ പ്രീമിയർ ലീഗിൽ റോയൽ ചലഞ്ചേഴ്സ് ബംഗളൂരുവിന് കിരീടം. എട്ട് വിക്കറ്റിനാണ് ഇന്ന് നടന്ന ഫൈനലിൽ ആർസിബി വിജയം സ്വന്തമാക്കിയത്. ഡൽഹി ക്യാപ്പിറ്റൽസ് ഉയർത്തിയ 114 എന്ന വിജയലക്ഷ്യം 20 ആം ഓവറിൽ മൂന്നു പന്ത് ശേഷിക്കെ രണ്ട് വിക്കറ്റ് നഷ്ടത്തിൽ ബംഗളൂരു മറികടന്നു.
ആർസിബിയുടെ ചരിത്രത്തിലെ ആദ്യ കിരീടനേട്ടമാണ് ഇത്. ആദ്യം ബാറ്റിംഗിനിറങ്ങിയ ഡൽഹി ക്യാപ്പിറ്റൽസിനെ 113 ന് ഒതുക്കാൻ ആർസിബിക്ക് സാധിച്ചു. ഡൽഹിക്ക് ആദ്യം നല്ല തുടക്കം ലഭിച്ചെങ്കിലും പിന്നീട് തുടർച്ചയായ വിക്കറ്റ് നഷ്ടം നേരിട്ടുകൊണ്ടിരുന്നു.
ഓപ്പണർ മെഗ് ലാനിംഗ് 23 റൺസും ഷഫാലി വർമ്മ നാല് റൺസുമെടുത്താണ് ഇന്ന് പുറത്തായത്. പിന്നീട് ബാറ്റിംഗിനിറങ്ങിയ ആർക്കും തിളങ്ങാനായില്ല. സോഫി മൊലിനെക്സിന്‍റെ മികച്ച ബൗളിംഗാണ് ഡൽഹിക്ക് വിനയായത്. നാല് ഓവറിൽ 20 റൺസ് മാത്രം വഴങ്ങി മൊലിനെക്സ് മൂന്ന് വിക്കറ്റ് നേടി.
മലയാളി താരം ആശയും മികച്ചബൗളിംഗ് കാഴ്ചവച്ചു. ശ്രെയങ്ക പട്ടീൽ നാല് വിക്കറ്റുകളും പിഴുതെടുത്തു.
