ക്രിസ്മസ് കാലത്ത് ആളുകള്‍ പരസ്പരം സമ്മാനങ്ങള്‍ കൊടുക്കാറുണ്ട്. എന്നാല്‍ വളർത്തു മൃഗങ്ങൾക്ക് കൂടി സമ്മാനം നൽകുന്നത് അതിശയം തോന്നിപ്പിക്കുന്ന കാര്യമാണ്. പലരും തങ്ങളുടെ വീട്ടിൽ വളർത്തുന്ന മൃഗങ്ങളെ വീട്ടിലെ അംഗങ്ങളെപോലെയാണ് കണക്കാക്കുന്നത്. അത്തരത്തിൽ തന്‍റെ അരുമയായ കഴുതയ്ക്ക് ക്രിസ്മസ് സമ്മാനമായി പന്ത് നല്‍കി സന്തോഷിപ്പിച്ചിരിക്കുകയാണ് ഒരു ഉടമ.
സമ്മാനം കിട്ടിയതോടെ സന്തോഷവാനായ കഴുത ചെറിയ കുട്ടികളെപ്പോലെ തുള്ളിച്ചാടുന്നതും പന്ത് ഉപയോഗിച്ച് കളിക്കുന്നതുമാണ് സമൂഹമാധ്യമങ്ങളില്‍ വൈറലാകുന്നത്. പന്ത് കിട്ടിയ സന്തോഷത്തില്‍ അത് കടിച്ച് പൊട്ടിച്ചിട്ടാണ് കഴുത ചാടിത്തുള്ളുന്നത്.
കഴുതയുടെ ഓമനത്തം നിറഞ്ഞ പ്രവര്‍ത്തികണ്ട് ആയിരക്കണക്കിന് ആളുകളാണ് വീഡിയോയ്ക്ക് താഴെ ലൈക്കും കമന്‍റുമായി എത്തുന്നത്. അപ്രതീക്ഷിതമായി കിട്ടിയ സമ്മാനത്തിൽ കഴുത സന്തോഷം കൊണ്ട് തുള്ളി ചാടുന്നു എന്നാണ് പലരും കമന്‍റ് ചെയ്തിരിക്കുന്നത്. വീഡിയോ കാണാൻ ഇവിടെ ക്ലിക് ചെയ്യുക.
