പൂച്ചാക്കൽ: കൗതുക ക്കാഴ്ച്ചയായി മഞ്ഞനിറത്തിലെ ആമ. പാണാവള്ളി പഞ്ചായത്തിൽ പത്താം വാർഡിൽ മാവുങ്കൽവെളി അനീഷിന്‍റെ വീട്ടുമുറ്റത്തെത്തിയ മഞ്ഞനിറത്തിലുള്ള ആമയാണ് കൗതുകമായത്. ആമയുടെ തല, വാൽ, കൈ, പുറംതോട് എല്ലാം മഞ്ഞ നിറത്തിലാണ്. ഇന്നലെ വൈകിട്ടാണ് ആമയെ വീട്ടുമുറ്റത്ത് കണ്ടത്.
ജനിതിക വൈകല്യമാണ് നിറമാറ്റത്തിന് കാരണമെന്നാണ് നിഗമനം. കഴിഞ്ഞദിവസം ചേർത്തല തുറവൂരിൽ ഇത്തരത്തിലുള്ള ആമയെ കണ്ടെത്തിയിരുന്നു.
വനം വകുപ്പിനെ വിവരമറിയിച്ച് കാത്തിരിക്കുകയാണ് വീട്ടുകാർ.മഞ്ഞനിറത്തിലുള്ള ആമയെ കാണാൻ നിരവധിപ്പേരാണ് അനീഷിന്‍റെ വീട്ടിൽ എത്തുന്നത്.
