നിര്‍ബന്ധിച്ച് ഗര്‍ഭ പരിശോധന നടത്തി; വയറ്റില്‍ ചവിട്ടി..! മതം മാറി വിവാഹം കഴിച്ചതിന്റെ പേരില്‍ തൃപ്പൂണിത്തുറയിലെ ശിവശക്തി യോഗാ സെന്ററില്‍വച്ച് തന്നെ ക്രൂരമായി മര്‍ദിച്ചെന്നു യുവതി

കൊ​ച്ചി: മ​തം മാ​റി വി​വാ​ഹം ക​ഴി​ച്ച​തി​ന്‍റെ പേ​രി​ൽ തൃ​പ്പൂ​ണി​ത്തു​റ​യി​ലെ ശി​വ​ശ​ക്തി യോ​ഗാ സെ​ന്‍റ​റി​ൽ ത​ന്നെ ക്രൂ​ര​മാ​യി ദേ​ഹോ​പ​ദ്ര​വ​മേ​ൽ​പി​ച്ചെ​ന്ന് ക​ണ്ണൂ​ർ മ​ണ്ടൂ​ർ സ്വ​ദേ​ശി​നി ശ്രു​തി ഹൈ​ക്കോ​ട​തി​യി​ൽ മൊ​ഴി ന​ൽ​കി. ഇ​തു രേ​ഖ​പ്പെ​ടു​ത്തി​യ ഡി​വി​ഷ​ൻ ബെ​ഞ്ച് തൃ​പ്പൂ​ണി​ത്തു​റ​യി​ലെ യോ​ഗാ സെ​ന്‍റ​റി​നെ​തി​രേ അ​ന്വേ​ഷ​ണം ന​ട​ത്ത​ണ​മെ​ന്നു നി​ർ​ദേ​ശം ന​ൽ​കി.

ത​ന്‍റെ ഭാ​ര്യ​ ശ്രു​തി​യെ മാ​താ​പി​താ​ക്ക​ൾ ത​ട​വി​ലാ​ക്കി​യെ​ന്നും വി​ട്ടുകി​ട്ടാ​ൻ ന​ട​പ​ടി​ വേ​ണ​മെ​ന്നും ആ​വ​ശ്യ​പ്പെ​ട്ട് ഭ​ർ​ത്താ​വ് ക​ണ്ണൂ​ർ പ​രി​യാ​രം സ്വ​ദേ​ശി അ​നീ​സ് അ​ഹ​മ്മ​ദ് ന​ൽ​കി​യ ഹ​ർ​ജി​യി​ലാ​ണ് ഇ​ട​ക്കാ​ല ഉ​ത്ത​ര​വ്. ഇ​ന്ന​ലെ രാ​വി​ലെ കോ​ട​തി​യി​ൽ ഹാ​ജ​രാ​ക്കി​യ ശ്രു​തി​യെ കൊ​ച്ചി സി​റ്റി പോ​ലീ​സ് ക​മ്മീ​ഷ​ണ​ർ എം.​പി. ദി​നേ​ശ് മു​ന്പാ​കെ മൊ​ഴി​യെ​ടു​ക്കാ​ൻ വി​ട്ടു. ഉ​ച്ച​കഴിഞ്ഞു വീ​ണ്ടും ഹ​ർ​ജി പ​രി​ഗ​ണി​ച്ച​പ്പോ​ൾ, യോ​ഗാ സെ​ന്‍റ​റി​ൽ നി​ന്നു ത​നി​ക്ക് പീ​ഡ​നം ഏ​ൽ​ക്കേ​ണ്ടി വ​ന്നെ​ന്ന് വി​വ​രി​ച്ചു.

ക​ഴി​ഞ്ഞ ജൂ​ണ്‍ 22 മു​ത​ൽ ഓ​ഗ​സ്റ്റ് 18 വ​രെ യോ​ഗ​ സെ​ന്‍റ​റി​ലാ​യി​രു​ന്നെ​ന്നും വി​വാ​ഹ​ത്തി​ൽ നി​ന്ന് പി​ൻ​മാ​റാ​ൻ ഭീ​ഷ​ണി​പ്പെ​ടു​ത്തി​യെ​ന്നും ത​ന്നെ ശാ​രീ​രി​ക​മാ​യി ഉ​പ​ദ്ര​വി​ച്ചെ​ന്നും ശ്രു​തി വെ​ളി​പ്പെ​ടു​ത്തി. നി​ർ​ബ​ന്ധി​ച്ച് ഗ​ർ​ഭ പ​രി​ശോ​ധ​ന ന​ട​ത്തി​യെ​ന്നും മു​ഖ​ത്ത​ടി​ച്ചും വ​യ​റ്റി​ൽ ച​വി​ട്ടി​യും ഉ​പ​ദ്ര​വി​ച്ചെ​ന്നും മൊ​ഴി​യി​ൽ പ​റ​യു​ന്നു. ത​നി​ക്കൊ​പ്പം 60 പേ​ർ സെ​ന്‍റ​റി​ൽ ഉ​ണ്ടാ​യി​രു​ന്നെ​ന്നും ശ്രു​തി പ​റ​ഞ്ഞു. ഈ ​വി​വ​ര​ങ്ങ​ൾ പോ​ലീ​സ് രാ​വി​ലെ രേ​ഖ​പ്പെ​ടു​ത്തി​യ മൊ​ഴി​യി​ലി​ല്ലെ​ന്നു ക​ണ്ട ഡി​വി​ഷ​ൻ ബെ​ഞ്ച് നേ​രി​ട്ട് ശ്രു​തി​യു​ടെ മൊ​ഴി​യെ​ടു​ക്കു​ക​യാ​യി​രു​ന്നു.

അ​നീ​സ് അ​ഹ​മ്മ​ദുമായുള്ള വിവാഹശേഷം ശ്രു​തി ഒ​രു​മാ​സ​ത്തോ​ളം ഡ​ൽ​ഹി​യി​ൽ ക​ഴി​ഞ്ഞി​രു​ന്നു. പി​ന്നീ​ടാ​ണ് പ​യ്യ​ന്നൂ​ർ കോ​ട​തി​യി​ൽ ഹാ​ജ​രാ​യ​ത്. ഇ​വി​ടെ​വ​ച്ച് ബ​ന്ധു​ക്ക​ൾ ബ​ല​പ്ര​യോ​ഗ​ത്തി​ലൂ​ടെ ശ്രു​തി​യെ ത​ട്ടി​ക്കൊ​ണ്ടു പോ​യെ​ന്നാ​യി​രു​ന്നു ഹ​ർ​ജി​ക്കാ​ര​ന്‍റെ ആ​രോ​പ​ണം. ഇ​ന്ന​ലെ ശ്രു​തി​യോ​ടു വി​വ​ര​ങ്ങ​ൾ ചോ​ദി​ച്ച​റി​ഞ്ഞ ഡി​വി​ഷ​ൻ ബെ​ഞ്ച് ഫി​സി​ക്സി​ൽ ബി​രു​ദാ​ന​ന്ത​ര ബി​രു​ദ​മു​ള്ള​യാ​ളാ​ണ് ശ്രു​തി​യെ​ന്നും ഉ​ന്ന​ത വി​ദ്യാ​ഭ്യാ​സ​മു​ള്ള ഇ​വ​ർ​ക്ക് വി​വാ​ഹം എ​ങ്ങ​നെ വേ​ണ​മെ​ന്ന് തീ​രു​മാ​നി​ക്കാ​മെ​ന്നും പ​റ​ഞ്ഞു. സ്വ​ന്തം ഇ​ഷ്ട​പ്ര​കാ​രം പോ​കാ​മെ​ന്ന് കോ​ട​തി വ്യ​ക്ത​മാ​ക്കി​യ​തോ​ടെ ശ്രു​തി ഭ​ർ​ത്താ​വി​നൊ​പ്പം മ​ട​ങ്ങി.

ഇ​തി​നി​ടെ ശ്രു​തി​യു​ടെ അ​മ്മ​യു​ടെ മൊ​ഴി കൂ​ടി രേ​ഖ​പ്പെ​ടു​ത്ത​ണ​മെ​ന്ന് എ​തി​ർക​ക്ഷി​ക​ൾ ആ​വ​ശ്യ​പ്പെ​ട്ടെ​ങ്കി​ലും പോ​ലീ​സി​ന് അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ഇ​ക്കാ​ര്യം ചെ​യ്യാ​നാ​വു​മെ​ന്ന് വ്യ​ക്ത​മാ​ക്കി​യ ഡി​വി​ഷ​ൻ ബെ​ഞ്ച് കേ​സ് ഒ​ക്ടോ​ബ​ർ ആ​റി​ന് വീ​ണ്ടും പ​രി​ഗ​ണി​ക്കാ​ൻ മാ​റ്റി. മ​തം മാ​റി വി​വാ​ഹം ക​ഴി​ച്ച പെ​ണ്‍​കു​ട്ടി​ക​ളെ ഈ ​സെ​ന്‍റ​റി​ൽ ദ്രോ​ഹി​ക്കു​ന്നു​ണ്ടെ​ന്ന പ​രാ​തി ക​ഴി​ഞ്ഞ ദി​വ​സം തൃ​ശൂ​ർ സ്വ​ദേ​ശി​നി ഡോ.​ശ്വേ​ത ഹ​രി​ദാ​സ് കോ​ട​തി​യി​ൽ ഉ​ന്ന​യി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് ശ്രു​തി​യും പ​രാ​തി പ​റ​ഞ്ഞ​ത്. ക​മ്മീഷ​ണ​ർ മു​ന്പാ​കെ മൊ​ഴി​യെ​ടു​ക്കാ​ൻ വി​ട്ടി​ട്ട് വ​നി​താ എ​സ്ഐ മു​ന്പാ​കെ മൊ​ഴി രേ​ഖ​പ്പെ​ടു​ത്തി​യ​തി​ൽ ഹൈ​ക്കോ​ട​തി അ​തൃ​പ്തി രേ​ഖ​പ്പെ​ടു​ത്തി.