മാപുസാ: യോഗ പഠിപ്പിക്കുന്നതിനിടയില്‍ അമേരിക്കന്‍ വനിതയെ പീഡിപ്പിച്ച യോഗാ ഗുരു ഗോവയില്‍ അറസ്റ്റിലായി. വടക്കന്‍ ഗോവയിലെ പേര്‍ണം തീരത്തിനടുത്തുള്ള കോര്‍ഗാവോ എന്ന ഒറ്റപ്പെട്ട ഗ്രാമത്തിലാണ് സംഭവം.38കാരനായ പ്രതീക് കുമാര്‍ അഗര്‍വാള്‍ എന്നയാളാണ് പോലീസിന്റെ പിടിയിലായത്.താന്ത്രിക് മസാജിനിടെ തന്നെ ഇയാള്‍ പീഡിപ്പിച്ചെന്ന അമേരിക്കന്‍ യുവതി യുവതിയുടെ പരാതിയെത്തുടര്‍ന്നാണ് അറസ്റ്റ് ഫെബ്രുവരി രണ്ടിനായിരുന്നു പീഡനം നടന്നതെന്നു പറഞ്ഞ യുവതി കാനഡക്കാരിയായ മറ്റൊരു യുവതിയും ഇത്തരത്തില്‍ പീഡിപ്പിക്കപ്പെട്ടിട്ടുണ്ടെന്നു വെളിപ്പെടുത്തി.
ജനുവരി 31നാണ് ഏഴുദിന യോഗാ പഠനത്തിനായി അമേരിക്കന്‍ യുവതി ഇയാളുടെ അടുത്തെത്തുന്നത്. വെബ്‌സൈറ്റില്‍ പരസ്യം കണ്ട യുവതി ഓണ്‍ലൈനായി രജിസ്റ്റര്‍ ചെയ്യുകയായിരുന്നു. മറ്റു രാജ്യങ്ങളില്‍ നിന്നുള്ള ഏഴു യുവതികളും ഇവര്‍ക്കൊപ്പമുണ്ടായിരുന്നെന്ന് പോലീസ് പറയുന്നു.
