അ​ബ്കാ​രി കേ​സി​ലെ പ്ര​തി പോലീസിനെ കണ്ട് കടലിൽ ചാടി; പിന്നെ സംഭവിച്ചത് ഞെട്ടിക്കുന്ന സംഭവവികാസം…

വി​ഴി​ഞ്ഞം: അ​ബ്കാ​രി കേ​സി​ലെ പ്ര​തി​യെ പി​ടി​ക്കാ​ൻ പോ​യ കാ​ഞ്ഞി​രം​കു​ളം പോ​ലീ​സി​ന് നേ​രെ നാ​ട്ടു​കാ​രു​ടെ ആ​ക്ര​മ​ണം. എ​സ്ഐ ഉ​ൾ​പ്പെ​ടെ അ​ഞ്ച് പോ​ലീ​സു​കാ​ർ​ക്ക് പ​രി​ക്കേ​റ്റു.

ഒ​രാ​ൾ അ​റ​സ്റ്റി​ൽ. പി​ടി​കൂ​ടി​യ പ്ര​തി​യെ നാ​ട്ടു​കാ​ർ ജീ​പ്പ് വ​ള​ഞ്ഞ് മോ​ചി​പ്പി​ച്ചു. ഇ​ന്ന​ലെ ഉ​ച്ച​യോ​ടെ പു​തി​യ​തു​റ​യ്ക്ക് സ​മീ​പ​മാ​യി​രു​ന്നു സം​ഭ​വം.

പു​തി​യ തു​റ​തീ​ര​ത്ത് വ്യാ​ജ​ചാ​രാ​യം വി​റ്റ​തു​മാ​യി ബ​ന്ധ​പ്പെ​ട്ട് പു​ല്ലു​വി​ള പു​തി​യ​തു​റ സ്വ​ദേ​ശി​യാ​യ യോ​ഹ​ന്നാന്(40)എ​തി​രെ ഒ​രു മാ​സം മു​ൻ​പ് കാ​ഞ്ഞി​രം​കു​ളം പോ​ലീ​സ് കേ​സെ​ടു​ത്തി​രു​ന്നു. കോ​ട​തി​യി​ൽ പോ​യി മു​ൻ​കൂ​ർ ജാ​മ്യ​ത്തി​ന് ശ്ര​മി​ച്ചെ​ങ്കി​ലും കി​ട്ടാ​തെ വ​ന്ന യോ​ഹ​ന്നാ​ൻ മു​ങ്ങി ന​ട​ക്കു​ക​യാ​യി​രു​ന്നു.

ഇ​ന്ന​ലെ ഉ​ച്ച​യോ​ടെ ഇ​യാ​ൾ പു​തി​യ​തു​റ​യി​ൽ നി​ൽ​ക്കു​ന്ന​താ​യ​റി​ഞ്ഞ പോ​ലീ​സ് പി​ടി​കൂ​ടാ​നാ​യി അ​വി​ടെ​യെ​ത്തി. പോ​ലീ​സി​നെ ക​ണ്ട യോ​ഹ​ന്നാ​ൽ ക​ട​ലി​ൽ ചാ​ടി ര​ക്ഷ​പ്പെ​ട്ടു.

ആ​വ​ശ്യ​പ്പെ​ട്ടി​ട്ടും ക​ര​യി​ൽ ക​യ​റാ​തെ വ​ന്ന​തോ​ടെ പോ​ലീ​സ് ത​ല്ക്കാ​ലം പി​ൻ​മാ​റി. എ​ന്നാ​ൽ അ​ഞ്ചോ​ളം പോ​ലീ​സു​കാ​രെ മ​ഫ്തി​യി​ൽ സ്ഥ​ല​ത്ത് നി​ർ​ത്തി​യി​രു​ന്നു. ജീ​പ്പ് തി​രി​കെ പോ​യ തു​ക​ണ്ട യോ​ഹ​ന്നാ​ൻ ക​ര​യി​ൽ ക​യ​റു​ന്ന​തി​നി​ട​യി​ൽ മ​ഫ്തി പോ​ലീ​സു​കാ​ർ ഓ​ടി​ച്ച് പി​ടി​കൂ​ടി. ഇ​തി​നി​ട​യി​ൽ ജീ​പ്പി​ലും പോ​ലീ​സ് എ​ത്തി.

എ​ന്നാ​ൽ പ്ര​തി​യു​മാ​യി തി​രി​ച്ച ജീ​പ്പ് നാ​ട്ടു​കാ​രി​ൽ ഒ​രു വി​ഭാ​ഗം ത​ട​ഞ്ഞു​വ​ച്ചു. വി​വ​ര​മ​റി​ഞ്ഞ് പൂ​വാ​റി​ൽ നി​ന്നും കാ​ഞ്ഞി​രം​കു​ള​ത്തു നി​ന്നു​മാ​യി കൂ​ടു​ത​ൽ പോ​ലീ​സെ​ത്തി.

പ്ര​തി​യെ മോ​ചി​പ്പി​ക്കാ​നു​ള്ള പ്ര​തി​ഷേ​ധ​ക്കാ​രു​ടെ ശ്ര​മം സം​ഘ​ർ​ഷ​ത്തി​ൽ ക​ലാ​ശി​ച്ചു. ആ​ക്ര​മ​ണ​ത്തി​ൽ കാ​ഞ്ഞി​രം​കു​ളം എ​സ്ഐ സ​ജീ​ർ, ഗ്രേ​ഡ് എ​സ്ഐ വി​ജ​യ​കു​മാ​ർ, എ​എ​സ്ഐ​മാ​രാ​യ മ​ധു ,ആ​ന​ന്ദ​കു​മാ​ർ, ഡ്രൈ​വ​ർ പ്ര​വീ​ൺ ദാ​സ് എ​ന്നി​വ​ർ​ക്ക് പ​രി​ക്കേ​റ്റു. പ്ര​ശ്നം രൂ​ക്ഷ​മാ​കു​ന്ന​തി​നി​ട​യി​ൽ പ്ര​തി ര​ക്ഷ​പ്പെ​ട്ടു.

സം​ഭ​വ​വു​മാ​യി ബ​ന്ധ​പ്പെ​ട്ട് നി​ര​വ​ധി പേ​ർ​ക്കെ​തി​രെ കേ​സെ​ടു​ത്ത പോ​ലീ​സ് പു​ല്ലു​വി​ള പി​ടി​വി​ളാ​കം പു​ര​യി​ട​ത്തി​ൽ സി​റി​ലി (40) നെ ​അ​റ​സ്റ്റ് ചെ​യ്തു.

ര​ക്ഷ​പ്പെ​ട്ട പ്ര​തി​ക്കും കൂ​ട്ടു​പ്ര​തി​ക​ൾ​ക്കും വേ​ണ്ടി അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി സി​ഐ അ​ജീ​ച​ന്ദ്ര​ൻ നാ​യ​ർ അ​റി​യി​ച്ചു. പ​രി​ക്കേ​റ്റ പോ​ലീ​സു​കാ​ർ ആ​ശു​പ​ത്രി​യി​ൽ ചി​കി​ത്സ​തേ​ടി.