പത്തനംതിട്ട: ബന്ധുവീട്ടിൽ പെൺകുട്ടിയെ കാണാനെത്തിയ യുവാവിന് ക്രൂര മർദനം. പത്തനംതിട്ട കുമ്മണ്ണൂർ സ്വദേശി മുഹമ്മദ് നഹാസിനാണ് പെൺകുട്ടിയുടെ ബന്ധുക്കളുടെ മർദനത്തിൽ പരിക്കേറ്റത്.
ചൊവ്വാഴ്ച രാത്രിയായിരുന്നു സംഭവം. പെൺകുട്ടിയുടെ ബന്ധുക്കളുടെ പരാതിയിൽ യുവാവിനെതിരേ പോക്സോ കേസെടുത്തു. തേങ്ങ തുണിയിൽ കെട്ടി പെൺകുട്ടിയുടെ ബന്ധുക്കൾ അടിച്ചെന്നാണ് യുവാവ് പറയുന്നത്.
യുവാവിന്‍റെ ശരീരത്തിൽ മർദനമേറ്റതിന്‍റെ പാടുകളുണ്ട്. പതിനാറുകാരിക്ക് പിറന്നാൾ കേക്കുമായി എത്തിയപ്പോഴായിരുന്നു സംഭവം.
