കൊല്ലം: അറുപത്തി രണ്ടാമത്‌ സ്കൂൾ കലോത്സവം ഈ വർഷം കൊല്ലം ജില്ലയിൽ നടക്കുന്നു. നാടെങ്ങും കലോത്സവ ആരവത്തിന്‍റെ മൂഡിലാണ്. ജില്ലയിൽ ഉത്സവ കാലമാണ്. ഇപ്പോഴിതാ എംഎൽഎ അഡ്വ. ജി. സ്റ്റീഫൻ തന്‍റെ ഫേസ്ബുക്ക് പേജിൽ പങ്കുവച്ച ചിത്രമാണ് വൈറലാകുന്നത്.
അറുപത്തി രണ്ടാമത്‌ സ്കൂൾ കലോത്സവത്തിന്‌ കൊല്ലത്ത്‌ തിരി തെളിയുമ്പോൾ, 1992 ൽ തിരൂരിൽ നടന്ന സംസ്ഥാന സ്കൂൾ യുവജനോത്സവത്തിൽ മോണോക്ടിൽ ഒന്നാം സ്ഥാനം നേടിയ ഒരു പെൺകുട്ടി ഇന്ന് കേരളത്തിന്‍റെ പ്രിയപ്പെട്ട മന്ത്രിമാരിൽ ഒരാളാണ്‌ എന്ന കുറിപ്പോടെ മന്ത്രി വീണ ജോർജിന്‍റെ ഫോട്ടോയാണ് സോഷ്യൽ മീഡിയയിൽ പങ്കുവച്ചിരിക്കുന്നത്.
ചിത്രം വളരെ വേഗത്തിൽ തന്നെ വൈറലായി. ആരോഗ്യ മന്ത്രി വീണാ ജോർജ് തന്‍റെ സ്കൂൾ പഠന കാലത്ത് കലോത്സവത്തിനു മോണോ ആക്ട് അവതരിപ്പിക്കുന്ന ഫോട്ടോയാണ് കുറിപ്പിനൊപ്പം എംഎൽഎ അഡ്വ. ജി. സ്റ്റീഫൻ പോസ്റ്റ് ചെയ്തിരിക്കുന്നത്. പോസ്റ്റ് കാണാൻ ഇവിടെ ക്ലിക് ചെയ്യുക.
