വാരിക്കുഴിയിലെ കൊലപാതകം എന്ന ചിത്രത്തിനുശേഷം അമിത് ചക്കാലയ്ക്കൽ നായകനാകുന്ന യുവം എന്ന സിനിമയുടെ ചിത്രീകരണം പൂർത്തിയായി. നവാഗതനായ പിങ്കു പീറ്റർ ആണ് തിരക്കഥ എഴുതി ചിത്രം സംവിധാനം ചെയ്യുന്നത്.
അഭിനയപ്രാധാന്യമുള്ള അഭിഭാഷകവേഷത്തിലാണ് അമിത് ചക്കാലയ്ക്കൽ ചിത്രത്തിലെത്തുന്നത്. നിർമൽ പാലാഴി, അഭിഷേക് രവീന്ദ്രൻ, ഇന്ദ്രൻസ്, സായികുമാർ, നെടുമുടി വേണു, കലാഭവൻ ഷാജോൺ, ജാഫർ ഇടുക്കി, ചെമ്പിൽ അശോകൻ, ബൈജു ഏഴുപുന്ന, അനീഷ് ജി. മേനോൻ, ജയശങ്കർ എന്നിവരും ചിത്രത്തിൽ കഥാപാത്രങ്ങളെ അവതരിപ്പിക്കുന്നു.
സജിത് പുരുഷൻ ആണ് ഛായാഗ്രഹണം. എഡിറ്റിംഗ് ജോൺകുട്ടി, ആർട്ട് രാജീവ് കോവിലകം, സംഗീതം ഗോപിസുന്ദർ എന്നിവർ നിർവഹിക്കുന്നു. അജിത് വി. തോമസാണ് ചീഫ് അസോസിയേറ്റ് ഡയറക്ടർ. ചിത്രത്തിന്‍റെ ഫസ്റ്റ്ലുക്ക് പോസ്റ്റര്‍ ഉടൻ പുറത്തിറക്കുമെന്ന് അണിയറപ്രവർത്തകർ അറിയിച്ചു.
