മുന്‍ ഇന്ത്യന്‍ ക്രിക്കറ്റ് താരം സഹീര്‍ ഖാന് വിവാഹ ആശംസകള്‍ നേരാന്‍ ശ്രമിച്ച ഇന്ത്യന്‍ കോച്ച് അനില്‍ കുംബ്ലയ്!ക്ക് അമളി പറ്റി. ബോളിവുഡ് നടി സാഗരിക ഘാട്‌സേക്ക് പകരം മാധ്യമസാഗരിക ഘോഷിനാണ് കുംബ്ലെ ആശംസകള്‍ നേര്‍ന്നത്. സഹീര്‍ സാഗരികയെ വിവാഹം ചെയ്യുന്നുവെന്ന് കുറിച്ച കുംബ്ലെ, സാഗരിക ഘോഷിനെ ടാഗ് ചെയ്താണ് ആശംസകള്‍ നേര്‍ന്നത്.
എന്നാല്‍ അബദ്ധം പറ്റിയത് മനസിലാക്കിയ കുംബ്ലെ വൈകാതെ ട്വീറ്റ് പിന്‍വലിച്ചു. സഹീര്‍ നായകനായ ഡെല്‍ഹി ഡെയര്‍ഡെവിള്‍സ് ടീമിന്‍റെ ഔദ്യോഗിക ട്വിറ്റര്‍ പേജിലും സമാനമായ അബദ്ധം വന്നു. പ്രമുഖ മാധ്യമപ്രവര്‍ത്തകന്‍ രാജ്ദീപ് സര്‍ദേശായിയുടെ ഭാര്യയാണ് സാഗരിക ഘോഷ്. ദീര്‍ഘനാളത്തെ പ്രണയത്തിനുശേഷമാണ് ഇരുവരും വിവാഹജീവിതത്തിലേക്ക് കടക്കുന്നത്. ഇരുവരും തമ്മിലുള്ള വിവാഹനിശ്ചയം കഴിഞ്ഞദിവസം നടന്നു. ഇതുസംബന്ധിച്ച വിവരം സഹീര്‍ ട്വിറ്ററിലൂടെ പുറത്തുവിട്ടിരുന്നു.
ഇരുവരും പ്രണയത്തിലാണെന്ന് നേരത്തെ തന്നെ വാര്‍ത്തകള്‍ വന്നിരുന്നു. എന്നാല്‍ സഹീറോ സാഗരികയോ ഇതിനോട് പ്രതികരിച്ചിരുന്നില്ല. യുവരാജ് സിങ്ങിന്റെ വിവാഹത്തില്‍ രണ്ടുപേരും ഒന്നിച്ചു പങ്കെടുത്തതോടെ ഇരുവരും പ്രണയത്തിലാണെന്ന കാര്യം ആരാധകര്‍ ഉറപ്പിച്ചു. ഒടുവില്‍ കഴിഞ്ഞ ഫെബ്രുവരിയില്‍ സാഗരിക തന്നെ ഇരുവരും പ്രണയത്തിലാണെന്ന് സമ്മതിച്ചു. ഇന്ത്യക്കായി 92 ടെസ്റ്റ് മത്സരങ്ങളും 282 ഏകദിന മത്സരങ്ങളും കളിച്ചിട്ടുള്ള താരമാണ് സഹീര്‍ ഖാന്. 2011ല്‍ ലോകകപ്പ് നേടിയ ഇന്ത്യന്‍ ടീമിലും സഹീര്‍ അംഗമായിരുന്നു. ഷാരൂഖ് ഖാന് നായകനായ ചക്‌ദേ ഇന്ത്യ എന്ന ചിത്രത്തിലെ മികച്ച അഭിനയത്തിലൂടെയാണ് സാഗരിക പ്രശസ്തിയിലേക്ക് ഉയരുന്നത്.
