ആ​നീ​സി​നെ കൊ​ന്ന​താ​ര്, എ​ന്തി​ന്..? കേ​സ​ന്വേ​ഷ​ണ​ങ്ങ​ളി​ൽ തു​ന്പും തെ​ളി​വു​മാ​കാ​റു​ള്ള ആ ​ലൂ​പ് ഹോ​ൾ ഇ​പ്പോ​ഴും കാണാമറയത്ത്…

ഋ​ഷി

ഏ​തൊ​രു പെ​ർ​ഫെ​ക്ട് ക്രൈ​മി​ലും ഒ​രു ലൂ​പ് ഹോ​ൾ ഉ​ണ്ടാ​കു​മെ​ന്നാ​ണ് പ​റ​യാ​റു​ള്ള​ത്. ദൈ​വ​ത്തി​ന്‍റെ അ​ദൃ​ശ്യ​മാ​യ കൈ….

​ഇ​രി​ങ്ങാ​ല​ക്കു​ട കോ​ന്പാ​റ ആ​നീ​സ് കൊ​ല​ക്കേ​സി​ൽ ആ ​അ​ദൃ​ശ്യ​മാ​യ കൈ ​ഇ​പ്പോ​ഴും ദൃ​ശ്യ​മാ​യി​ട്ടി​ല്ല. കേ​സ​ന്വേ​ഷ​ണ​ങ്ങ​ളി​ൽ തു​ന്പും തെ​ളി​വു​മാ​കാ​റു​ള്ള ആ ​ലൂ​പ് ഹോ​ൾ ഇ​പ്പോ​ഴും കാ​ണാ​മ​റ​യ​ത്താ​ണ്. കൊ​ല​പാ​ത​കം ന​ട​ന്ന് എ​ട്ടു മാ​സം പി​ന്നി​ടു​ന്പോ​ഴും കൊ​ല​യാ​ളി അ​ല്ലെ​ങ്കി​ൽ കൊ​ല​യാ​ളി സം​ഘം അ​ജ്ഞാ​ത​രാ​യി ക​ഴി​യു​ന്നു. ഒ​രു​പ​ക്ഷേ ഇ​ന്നേ​വ​രെ കേ​ര​ള പോ​ലീ​സ് ന​ട​ത്തി​യ​തി​ൽ വെ​ച്ചേ​റ്റ​വും മി​ക​ച്ച കേ​സ​ന്വേ​ഷ​ണ​മാ​യി​ട്ടു​പോ​ലും ആ​നീ​സ് കേ​സി​ലെ കു​റ്റ​വാ​ളി​ക​ളെ പി​ടി​കൂ​ടാ​ൻ ക​ഴി​യു​ന്നി​ല്ലെ​ന്ന​താ​ണ് ശ്ര​ദ്ധേ​യം.

ഒ​രു സി​നി​മാ​ക്ക​ഥ പോ​ലെ ആ​നീ​സ് കൊ​ല​ക്കേ​സി​ന്‍റെ അ​ന്വേ​ഷ​ണം ഒ​ന്പ​താം മാ​സ​ത്തി​ലേ​ക്ക് ക​ട​ന്നി​രി​ക്കു​ന്നു. അ​ന്വേ​ഷ​ണം മ​റ്റേ​തെ​ങ്കി​ലും ഏ​ജ​ൻ​സി​ക്ക് കൈ​മാ​റും മു​ന്പ് അ​ജ്ഞാ​ത​നാ​യ അ​ല്ലെ​ങ്കി​ൽ അ​ജ്ഞാ​ത​രാ​യ ആ ​കൊ​ല​യാ​ളി​ക​ളെ ക​ണ്ടെ​ത്താ​നാ​യി പോ​ലീ​സ് ഒ​രു​ങ്ങി​യി​റ​ങ്ങി​ക്ക​ഴി​ഞ്ഞു….

ക്രൈം​ബ്രാ​ഞ്ചി​ന് അ​ന്വേ​ഷ​ണം കൈ​മാ​റാ​ൻ സാ​ധ്യ​ത​യേ​റി
ഇ​രി​ങ്ങാ​ല​ക്കു​ട കോ​ന്പാ​റ ആ​നീ​സ് കൊ​ല​ക്കേ​സി​ന്‍റെ അ​ന്വേ​ഷ​ണം പോ​ലീ​സ് ഉൗ​ർ​ജി​ത​മാ​ക്കി അ​വ​സാ​ന ഘ​ട്ട​ത്തി​ലേ​ക്ക് ക​ട​ന്നി​രി​ക്കു​ക​യാ​ണ്. കേ​സ​ന്വേ​ഷ​ണം ക്രൈം ​ബ്രാ​ഞ്ചി​ന് കൈ​മാ​റാ​നും സാ​ധ്യ​ത​യേ​റി. ഈ ​പ​ശ്ചാ​ത്ത​ല​ത്തി​ലാ​ണ് പോ​ലീ​സ് അ​ന്വേ​ഷ​ണം കൂ​ടു​ത​ൽ ഉൗ​ർ​ജി​ത​മാ​ക്കി വ്യാ​പി​പ്പി​ച്ചി​രി​ക്കു​ന്ന​ത്.

ഇ​തി​ന്‍റെ ഭാ​ഗ​മാ​യി കേ​സ​ന്വേ​ഷ​ണ​ത്തി​ന് നേ​തൃ​ത്വം ന​ൽ​കു​ന്ന ഇ​രി​ങ്ങാ​ല​ക്കു​ട ഡി​വൈ​എ​സ്പി ഫേ​യ്മ​സ് വ​ർ​ഗീ​സി​ന്‍റെ ഓ​ഫീ​സി​നു മു​ക​ളി​ൽ പു​തി​യ ക​ണ്‍​ട്രോ​ൾ റൂം ​സ​ജ്ജ​മാ​ക്കി.

ഏ​റെ കോ​ളി​ള​ക്കം സൃ​ഷ്ടി​ച്ച ജി​ഷ കൊ​ല​ക്ക​സി​ന്‍റെ​യും ചെ​ങ്ങ​ന്നൂ​ർ ജ​ല​ജ കൊ​ല​ക്കേ​സി​ന്‍റെ​യു​മൊ​ക്കെ അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്ന ക്രൈം​ബ്രാ​ഞ്ചി​ലെ സ​മ​ർ​ഥ​രാ​യ ഉ​ദ്യോ​ഗ​സ്ഥ​രെ കൂ​ടി ഉ​ൾ​പ്പെ​ടു​ത്തി ആ​നീ​സ് കൊ​ല​ക്കേ​സി​ന്‍റെ അ​ന്വേ​ഷ​ണ​സം​ഘം വി​പു​ല​പ്പെ​ടു​ത്തി​യി​ട്ടു​ണ്ട്.

കൊ​ല്ല​പ്പെ​ട്ട ആ​നീ​സി​ന്‍റെ മ​ക​ൻ കേ​സ​ന്വേ​ഷ​ണം ക്രൈം​ബ്രാ​ഞ്ചി​നു കൈ​മാ​റ​ണ​മെ​ന്നാ​വ​ശ്യ​പ്പെ​ട്ട​താ​യും ഇ​ക്കാ​ര്യം ഉ​ന്ന​യി​ച്ച് മു​ഖ്യ​മ​ന്ത്രി​ക്ക് അ​പേ​ക്ഷ ന​ൽ​കി​യ​താ​യും സൂ​ച​ന​ക​ളു​ണ്ട്. ഇ​തെ​ത്തു​ട​ർ​ന്നാ​ണ് ഇ​പ്പോ​ൾ കേ​സ​ന്വേ​ഷി​ക്കു​ന്ന ലോ​ക്ക​ൽ പോ​ലീ​സി​ന് അ​വ​സാ​ന അ​വ​സ​ര​മെ​ന്ന നി​ല​യ്ക്ക് ഏ​താ​നും ദി​വ​സം കൂ​ടി സ​മ​യം ന​ൽ​കി​യി​രി​ക്കു​ന്ന​ത്.

റൂ​റ​ൽ എ​സ്പി വി​ജ​യ​കു​മാ​റി​ന്‍റെ മേ​ൽ​നോ​ട്ട​ത്തി​ൽ ഇ​രി​ങ്ങാ​ല​ക്കു​ട ഡി​വൈ​എ​സ്പി​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി അ​ന്വേ​ഷ​ണം കൂ​ടു​ത​ൽ സ​ജീ​വ​മാ​ക്കി​യി​ട്ടു​ണ്ട്.

2019 ന​വം​ബ​ർ 14നാ​ണ് ഇ​രി​ങ്ങാ​ല​ക്കു​ട ഈ​സ്റ്റ് കോ​ന്പാ​റ​യി​ൽ അ​റ​വു​ശാ​ല​യ്ക്ക് സ​മീ​പം പ​രേ​ത​നാ​യ കൂ​ന​ൻ പോ​ൾ​സ​ണ്‍ ഭാ​ര്യ ആ​നീ​സി​നെ വീ​ട്ടി​ലെ ഡ്രോ​യിം​ഗ് റൂ​മി​നോ​ടു ചേ​ർ​ന്നു​ള്ള മു​റി​യി​ൽ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്.

എ​ട്ടു​മാ​സം പി​ന്നി​ടു​ന്പോ​ഴും എ​ട്ടും പൊ​ട്ടും കി​ട്ടാ​തെ

ആ​നീ​സ് കൊ​ല്ല​പ്പെ​ട്ട് എ​ട്ടു​മാ​സം പി​ന്നി​ടു​ന്പോ​ഴും പ്ര​തി​യി​ലേ​ക്ക് ന​യി​ക്കു​ന്ന ഒ​രു തെ​ളി​വോ തു​ന്പോ ല​ഭി​ക്കാ​തെ പോ​ലീ​സി​നെ വ​ട്ടം​ക​റ​ക്കു​ന്ന കേ​സാ​യി ഇ​ത് മാ​റി​യി​രി​ക്കു​ക​യാ​ണ്.

കൊ​ല്ല​പ്പെ​ട്ട ആ​നീ​സി​ന്‍റെ ഘാ​ത​ക​ൻ അ​ല്ലെ​ങ്കി​ൽ ഘാ​ത​ക​ർ ആ​രെ​ന്നോ കൊ​ല​ന​ട​ത്തി​യ​ത് എ​ന്തി​നു വേ​ണ്ടി​യെ​ന്നോ ഉ​ള്ള ചോ​ദ്യം ഇ​പ്പോ​ഴും ഉ​ത്ത​ര​മി​ല്ലാ​തെ നി​ശ്ച​ല​മാ​യി നി​ൽ​ക്കു​ന്നു. മോ​ഷ​ണ​ത്തി​ന് വേ​ണ്ടി​യാ​ണ് കൊ​ല​പാ​ത​കം ന​ട​ത്തി​യ​തെ​ന്ന നി​ഗ​മ​ന​ത്തി​ൽ ഉ​റ​ച്ചു നി​ൽ​ക്കാ​ൻ പോ​ലീ​സി​ന് ക​ഴി​യു​ന്നി​ല്ല.

കാ​ര​ണം ആ​നീ​സ് അ​ണി​ഞ്ഞി​രു​ന്ന സ്വ​ർ​ണ​വ​ള​ക​ൾ ഒ​ഴി​കെ വീ​ട്ടി​ലു​ണ്ടാ​യി​രു​ന്ന സ്വ​ർ​ണ​മോ പ​ണ​മോ ന​ഷ്ട​പ്പെ​ട്ടി​ട്ടി​ല്ലെ​ന്ന​തു ത​ന്നെ.

എ​ന്തി​നു വ​ള​ക​ൾ മാ​ത്രം…

അ​ല​മാ​ര​യി​ലും മ​റ്റും വെ​ച്ചി​രു​ന്ന സ്വ​ർ​ണാ​ഭ​ര​ണ​ങ്ങ​ൾ എ​ടു​ക്കാ​തെ ആ​നീ​സി​ന്‍റെ വ​ള​ക​ൾ മാ​ത്രം മോ​ഷ്ടി​ക്കാ​ൻ കാ​ര​ണ​മെ​ന്താ​യി​രി​ക്കു​മെ​ന്ന ചോ​ദ്യ​മാ​ണ് പോ​ലീ​സി​നു മു​ന്നി​ലി​പ്പോ​ഴും ഉ​ത്ത​രം കിട്ടാ​തെ നി​ൽ​ക്കു​ന്ന​ത്.

വ​ള​രെ എ​ളു​പ്പ​ത്തി​ൽ ഒ​രു മോ​ഷ്ടാ​വി​ന് എ​ടു​ത്തു​കൊ​ണ്ടു​പോ​കാ​ൻ സാ​ധി​ക്കു​ന്ന സ്വ​ർ​ണ​വും പ​ണ​വും തൊ​ടാ​തെ ആ​നീ​സ് അ​ണി​ഞ്ഞി​രു​ന്ന വ​ള​ക​ൾ മാ​ത്രം മോ​ഷ്ടാ​വ് ക​വ​ർ​ന്ന​തി​ന്‍റെ പി​ന്നി​ലെ​ന്തെ​ങ്കി​ലും ക​ഥ​യോ ര​ഹ​സ്യ​മോ ഉ​ണ്ടോ എ​ന്നാ​ണ് പോ​ലീ​സ് ചി​ക​യു​ന്ന​ത്.

വ​ള​രെ ടൈ​റ്റാ​യി കൈ​യി​ല​ണി​ഞ്ഞി​രു​ന്ന ആ ​വ​ള​ക​ൾ മാ​റ്റി പു​തി​യ​ത് വാ​ങ്ങി​യി​ടാ​ൻ മ​ക്ക​ൾ പ​റ​ഞ്ഞി​ട്ടു​പോ​ലും ആ​നീ​സ് ത​യ്യാ​റാ​യി​രു​ന്നി​ല്ലെ​ന്നും പ​റ​യു​ന്നു. ആ​നീ​സി​ന് വ​ള​രെ അ​റ്റാ​ച്ച്മെ​ന്‍റു​ള്ള ആ ​വ​ള​ക​ളാ​ണു ന​ഷ്ട​പ്പെ​ട്ട​ത്. ആ​നീ​സി​നെ പോ​ലെ ത​ന്നെ ആ ​വ​ള​ക​ളോ​ട് അ​റ്റാ​ച്ച്മെ​ന്‍റു​ള്ള ആ​രെ​ങ്കി​ലു​മാ​ണോ കൃ​ത്യ​ത്തി​നു പി​ന്നി​ലെ​ന്നും പോ​ലീ​സ് അ​ന്വേ​ഷി​ക്കു​ന്നു​ണ്ട്.

പോ​ലീ​സി​നെ കു​ഴ​യ്ക്കു​ന്ന​ത്

പോ​ലീ​സി​ന് ഒ​രു തെ​ളി​വു​പോ​ലും ന​ൽ​കാ​തെ ന​ട​ന്ന കൊ​ല​പാ​ത​ക​മാ​ണ് കോ​ന്പാ​റ ആ​നീ​സ് കൊ​ല​ക്കേ​സ്. സി​സി ടി​വി ദൃ​ശ്യ​ങ്ങ​ളോ ദൃ​ക്സാ​ക്ഷി​ക​ളോ ഇ​തു​വ​രെ​യും ഉ​ണ്ടാ​യി​ട്ടി​ല്ല. സാ​ധാ​ര​ണ കൊ​ല​പാ​ത​കം ന​ട​ന്ന സ്ഥ​ല​ത്തു നി​ന്നും ല​ഭി​ക്കു​ന്ന സൂ​ച​ന​ക​ളോ തു​ന്പു​ക​ളോ തെ​ളി​വു​ക​ളോ വി​ര​ല​ട​യാ​ള​മോ ഒ​ന്നും ഈ ​കേ​സു​ക​ളി​ൽ സ​ഹാ​യ​ക​മാ​യി​ട്ടി​ല്ല.

ഇ​ത് ബോ​ധ​പൂ​ർ​വം ചെ​യ്ത​താ​ണോ അ​തോ അ​വി​ചാ​രി​ത​മാ​യി സം​ഭ​വി​ച്ച​താ​ണോ എ​ന്ന കാ​ര്യ​ത്തി​ൽ ആ​ശ​യ​ക്കു​ഴ​പ്പ​മു​ണ്ട്. ഒ​രു പ്ര​ഫ​ഷ​ണ​ൽ മോ​ഷ്ടാ​വ് മ​നഃ​പൂ​ർ​വം തെ​ളി​വു​ക​ൾ അ​വ​ശേ​ഷി​പ്പി​ക്കാ​തെ ന​ട​ത്തി​യ മോ​ഷ​ണ​വും കൊ​ല​പാ​ത​ക​വു​മാ​ണോ ഇ​തെ​ന്ന് ആ​ദ്യം സം​ശ​യ​മു​ണ്ടാ​യി​രു​ന്നു​വെ​ങ്കി​ലും അ​ങ്ങനെ​യ​ല്ലെ​ന്ന നി​ഗ​മ​ന​ത്തി​ലേ​ക്കാ​ണു കാ​ര്യ​ങ്ങ​ളെ​ത്തി​യ​ത്.

മ​റ്റു മോ​ഷ്ടാ​ക്ക​ളോ​ടും ക്രി​മി​ന​ലു​ക​ളു​ക​ളോ​ടും പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലും ച​ർ​ച്ച​യി​ലു​മാ​ണ് പോ​ലീ​സി​നു കൃ​ത്യ​ത്തി​ന് പി​ന്നി​ൽ പ്ര​ഫ​ഷ​ണ​ൽ സം​ഘ​ങ്ങ​ള​ല്ലെ​ന്ന തോ​ന്ന​ലു​ണ്ടാ​യ​ത്. ആ​ലീ​സി​ന്‍റെ വീ​ട്ടി​ൽ നി​ന്നു യാ​തൊ​രു തെ​ളി​വും അ​ന്വേ​ഷ​ണ​സം​ഘ​ത്തി​ന് ല​ഭി​ച്ചി​ട്ടി​ല്ല.

ആ​യു​ധം പൊ​തി​ഞ്ഞു കൊ​ണ്ടു​വ​ന്ന​താ​ണെ​ന്ന് സം​ശ​യി​ക്കു​ന്ന ഒ​രു മ​ല​യാ​ള ദി​ന​പ​ത്ര​ത്തി​ന്‍റെ തൃ​ശൂ​ർ എ​ഡി​ഷ​ന്‍റെ പേ​ജു മാ​ത്ര​മാ​ണ് ഇ​തു​വ​രെ പോ​ലീ​സി​ന് ല​ഭി​ച്ച​ത്. ആ​യു​ധം ക​ണ്ടെ​ത്താ​ൻ സ​മീ​പ​പ്ര​ദേ​ശ​ങ്ങ​ളി​ലെ​ല്ലാം കാ​ടും പ​ട​ല​ ും വെ​ട്ടി​ത്തെ​ളി​ച്ചു തി​ര​ച്ചി​ൽ ന​ട​ത്തി​യെ​ങ്കി​ലും യാ​തൊ​രു ഫ​ല​വു​മു​ണ്ടാ​യി​ല്ല.

കൊ​ല​പാ​ത​കം ന​ട​ന്ന വീ​ട്ടി​ലോ അ​യ​ൽ​പ​ക്ക​ങ്ങ​ളി​ലോ സി​സി ടി​വി കാ​മ​റ ഇ​ല്ല. വീ​ട്ടി​ലേ​ക്കു​ള്ള വ​ഴി​യി​ലു​ള്ള സി​സി ടി​വി കാ​മ​റ​ക​ളി​ലെ ദൃ​ശ്യ​ങ്ങ​ളും ചാ​ന​ലു​കാ​ർ പ​ക​ർ​ത്തി​യ ദൃ​ശ്യ​ങ്ങ​ളു​മെ​ല്ലാം പോ​ലീ​സ് പ​രി​ശോ​ധി​ച്ചെ​ങ്കി​ലും സൂ​ച​ന​ക​ളി​ലേ​ക്കെ​ത്തു​ന്ന​തൊ​ന്നും കി​ട്ടി​യി​ല്ല. മ​ണം പി​ടി​ച്ചോ​ടി​യ പോ​ലീ​സ് നായയ്ക്കും കാ​ര്യ​മാ​യൊ​ന്നും ചെ​യ്യാ​നാ​യി​ല്ല.

അ​ന്യ​സം​സ്ഥാ​ന​ക്കാ​ർ, ആ​നീ​സി​ന്‍റെ ലൗ ​ബേ​ർ​ഡ്സ് ബി​സി​ന​സി​ലെ ഇ​ട​പാ​ടു​കാ​ർ, ബ​ന്ധു​ക്ക​ൾ തു​ട​ങ്ങി നി​ര​വ​ധി പേ​രെ കൊലക്കേ​സു​മാ​യി ബ​ന്ധ​പ്പെ​ട്ട് പോ​ലീ​സ് വി​ശ​ദ​മാ​യി ചോ​ദ്യം ചെ​യ്തെ​ങ്കി​ലും പ്ര​തി​ക​ളി​ലേ​ക്കു​ള്ള ​സൂ​ച​ന​ക​ൾ ല​ഭി​ച്ചി​ട്ടി​ല്ല..

(തുടരും)