ഡമാസ്‌കസ്: തീവ്രവാദ ഗ്രൂപ്പായ ഇസ് ലാമിക് സ്റ്റേറ്റിന്‍റെ (ഐഎസ്) ഇറാഖിലെയും സിറിയയിലെയും നേതാവ് അബു ഖദീജ എന്നറിയപ്പെടുന്ന അബ്ദുള്ള മകി മുസ്‌ലേ അല്‍-റിഫായി കൊല്ലപ്പെട്ടു.
അമേരിക്കയുടെ നേതൃത്വത്തിലുള്ള സഖ്യസേനയുടെ സഹകരണത്തോടെ ഇറാഖി സുരക്ഷാ സേനയാണ് ഇദ്ദേഹത്തെ വധിച്ചതെന്നാണു വിവരം.
ഐഎസിന്‍റെ മുതിര്‍ന്ന നേതാവെന്ന നിലയില്‍ ആഗാള നേതാവ് പദവിയിലേക്ക് നേരത്തെ പരിഗണിക്കപ്പെട്ടയാളാണ് അബു ഖദീജ. ഇറാഖി പ്രധാനമന്ത്രി മുഹമ്മദ് ഷിയ അല്‍-സുഡാനിയാണ് കൊല്ലപ്പെട്ട വിവരം അറിയിച്ചത്. ഇറാഖിലെയും ലോകത്തിലെതന്നെയും ഏറ്റവും അപകടം പിടിച്ച തീവ്രവാദിയാണ് ഇയാളെന്നു പ്രധാനമന്ത്രി പറഞ്ഞു.
