ഐശ്വര്യ ലക്ഷ്മിയും ടൊവിനോ തോമസും പ്രധാനതാരങ്ങളായി ഒടിടി പ്ലാറ്റ്‌ഫോമില്‍ റിലീസായ ചിത്രമാണ് കാണെക്കാണെ.ചിത്രം മികച്ച അഭിപ്രായമാണ് നേടുന്നത്.
സിനിമയുടെ ചിത്രീകരണത്തിനിടെ നിറവയറുമായി ആടിത്തിമിര്‍ക്കുന്ന ഐശ്വര്യ ലക്ഷ്മിയുടെ വീഡിയോയാണ് ഇപ്പോള്‍ വൈറലാകുന്നത്.
ഐശ്വര്യ തന്നെയാണ് വീഡിയോ പങ്കുവെച്ചത്.
ഉയരെ എന്ന സിനിമയക്ക് ശേഷം മനു അശോകന്‍ സംവിധാനം ചെയ്ത ചിത്രമായിരുന്നു കാണെക്കാണെ.
ഐശ്വര്യ ലക്ഷ്മിയെയും ടോവിനോയെയും കൂടാതെ സുരാജ് വെഞ്ഞാറമൂട്, ശ്രുതി രാമചന്ദ്രന്‍, പ്രേം പ്രകാശ് എന്നിവരും സിനിമയില്‍ പ്രധാന വേഷങ്ങളില്‍ അഭിനയിച്ചിട്ടുണ്ട്. സോണി ലിവിലൂടെയാണ് ചിത്രം പ്രദര്‍ശനത്തിന് എത്തിയത്.
ഞണ്ടുകളുടെ നാട്ടില്‍ ഒരിടവേള എന്ന ചിത്രത്തിലൂടെയാണ് ഐശ്വര്യ സിനിമയില്‍ എത്തിയതെങ്കിലും താരത്തിന്റെ കരിയറില്‍ ബ്രേക്കായത് മായനദി എന്ന ചിത്രമായിരുന്നു.
മായാനദിയിലെ അപ്പു എന്ന കഥാപാത്രം തനിക്ക് കിട്ടിയ ഏറ്റവും നല്ല തുടക്കമായിരുന്നു എന്നാണ് ഐശ്വര്യ ലക്ഷ്മി കഴിഞ്ഞയിടെ പറഞ്ഞത്.
തമിഴില്‍ നിന്നും തനിക്ക് അവസരങ്ങള്‍ വരുന്നുണ്ടെന്നും അവരെല്ലാം മായാനദി കണ്ടിട്ടാണ് വിളിക്കുന്നതെന്നും ഐശ്വര്യ പറഞ്ഞിരുന്നു.
മായാനദിയുടെ ട്രയിലര്‍ ഇറങ്ങിയപ്പോള്‍ തന്നെ സുഹൃത്തുക്കള്‍ തന്നെ വിളിച്ച് അഭിനന്ദിച്ചെന്നും ഇത് തന്റെ ആത്മവിശ്വാസം വര്‍ദ്ധിപ്പിച്ചെന്നും ഐശ്വര്യ ലക്ഷ്മി പറഞ്ഞിരുന്നു.
