കാണിക‍ളെ അടിമുടി വിറപ്പിച്ച വില്ലൻ കഥാപാത്രങ്ങളെ അവതരിപ്പിച്ച ഭീമൻ രഘുവിനെ മലയാളികൾക്ക് മറക്കാൻ കഴിയില്ല. എന്നാൽ സമീപകാലങ്ങളിലായ് താൻ അവതരിപ്പിച്ച കഥാപാത്രങ്ങളെ പോലെ തന്നെ തന്നെക്കുറിച്ചുള്ള ട്രോളുകളും സമൂഹമാധ്യമങ്ങളിൽ ഹിറ്റാണ്. ഇപ്പോഴിതാ ട്രോളുകളോട് പ്രതികരിച്ച് താരം രംഗത്തെത്തിയിരിക്കുകയാണ്. ട്രോളുകളിലൂടെ റീച്ച് ഉണ്ടായെന്നും ഇത്തരം വിമർശനങ്ങളോട് പ്രതികരിക്കാറില്ലെന്നും ഭീമൻ രഘു പറഞ്ഞു.
വീട്ടിൽ എനിക്കെതിരെയുള്ള വിമർശനങ്ങളെ കുറിച്ചും ട്രോളുകളെ കുറിച്ചും സംസാരിക്കാറുണ്ട്. ഇതൊക്കെ പറയുമ്പോൾ ചേട്ടനെപറ്റി ഇങ്ങനെ ഒക്കെ കേട്ടിട്ട് കൊള്ളാം നല്ല രസമായിരിക്കുന്നെന്നാണ് ഭാര്യ പറഞ്ഞത്. ആദ്യമായാണ് ഇത്തരത്തിൽ എന്നെ കുറിച്ച് കേൾക്കുന്നത്. ഇതൊക്കെ എങ്ങനെ എടുക്കുന്നെന്ന് ഭാര്യ എന്നോട് ചോദ്യക്കാറുണ്ട്.
എന്നാൽ സന്തോഷത്തോടെയും കോമഡിയുമായിട്ടേ ഇതൊക്കെ എടുക്കുന്നുള്ളൂ എന്ന് ഞാൻ പറയും. അല്ലാതെ ഇതിനൊന്നും മറുപടി കൊടുക്കാൻ ശ്രമിക്കാറില്ല. ഈ ട്രോളുകൾ കാരണം റീച്ചായി. ഭീമൻ രഘു എന്ന പേര് പെട്ടന്ന് വൈറലായ്. ഇങ്ങനെ ചെയ്യരുതെന്ന് എന്നോട് ആരും പറഞ്ഞിട്ടില്ല. കാരണം എന്‍റെ ഭാഗത്ത് തെറ്റില്ല. ഉള്ള കാര്യങ്ങൾ ഞാൻ തുറന്നു പറഞ്ഞു. അത് പലരീതിയിൽ ജനങ്ങൾ എടുത്തു.
അവരുടെ സംസ്കാരത്തിൽ അവർ ട്രോളുന്നു. എന്നാൽ എന്‍റെ സംസ്കാരത്തിലൂടെ ഞാൻ പ്രതികരിക്കാതിരിക്കുന്നു എന്നാണ് ഭീമൻ രഘു പറഞ്ഞത്. ഒരു ഓൺലൈൻ മീഡിയയ്ക്ക് കൊടുത്ത അഭിമുഖത്തിലാണ് ഭീമൻ രഘു ഇക്കാര്യം വ്യക്തമാക്കിയത്.
