കോ​വി​ഡ് 19 (കൊറോണ വൈറസ്) ബാ​ധി​ച്ച് 3,037 മരണം! അ​മേ​രി​ക്ക​യി​ൽ ര​ണ്ട് മരണം; ഇ​റാ​നി​ൽ 54 മ​ര​ണം; മി​ക്ക ഗ​ൾ​ഫ് രാ​ജ്യ​ങ്ങ​ളി​ലും വൈ​റ​സ് സ്ഥി​രീ​ക​രി​ച്ചു​

ബെ​യ്ജിം​ഗ്: ലോ​ക​ത്ത് കോ​വി​ഡ് 19 ബാ​ധി​ച്ച് മ​രി​ച്ച​വ​രു​ടെ എ​ണ്ണം 3000 ക​ട​ന്നു. ചൈ​ന​യി​ൽ മാ​ത്രം 2912 പേ​രാ​ണ് മ​രി​ച്ച​ത്. 3,037 പേ​രാ​ണ് കോ​വി​ഡ് ബാ​ധി​ച്ച് ഇ​തു​വ​രെ മ​രി​ച്ച​ത്.

ഞാ​യ​റാ​ഴ്ച ചൈ​ന​യി​ൽ 42 പേ​രാ​ണ് മ​രി​ച്ച​ത്. പു​തു​താ​യി 202 പേ​ർ​ക്ക് വൈ​റ​സ് ബാ​ധ ക​ണ്ടെ​ത്തു​ക​യും ചെ​യ്തു. ഹു​ബൈ പ്ര​വി​ശ്യ​യി​ലാ​ണ് ഏ​റ്റ​വു​മ​ധി​കം മ​ര​ണ​മെ​ന്ന് ചൈ​നീ​സ് നാ​ഷ​ന​ൽ ഹെ​ൽ​ത്ത് ക​മീ​ഷ​ൻ അ​റി​യി​ച്ചു.

അ​മേ​രി​ക്ക​യി​ൽ ര​ണ്ടാ​മ​ത്തെ മ​ര​ണം

അ​മേ​രി​ക്ക​യി​ൽ വൈ​റ​സ് ബാ​ധി​ച്ച് ഒ​രാ​ൾ കൂ​ടി മ​രി​ച്ചു. കൊ​റോ​ണ​യു​ടെ പ​ശ്ചാ​ത്ത​ല​ത്തി​ൽ നി​രീ​ക്ഷ​ണ​ത്തി​ൽ ക​ഴി​യു​ക​യാ​യി​രു​ന്ന എ​ഴു​പ​തു​കാ​ര​നാ​ണ് മ​രി​ച്ച​ത്. ഇ​തോ​ടെ വൈ​റ​സ് ബാ​ധി​ച്ച് അ​മേ​രി​ക്ക​യി​ൽ മ​രി​ച്ച​വ​രു​ടെ എ​ണ്ണം ര​ണ്ടാ​യി.

കിം​ഗ് കൗ​ണ്ടി​യി​ലെ കി​ർ​ക്ലാ​ൻ​ഡ് സി​റ്റി​യി​ലാ​ണ് മ​ര​ണം റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. 50ലേ​റെ പേ​ർ​ക്കു രോ​ഗ​ബാ​ധ സം​ശ​യി​ക്കു​ന്നു​ണ്ട്. ശ​നി​യാ​ഴ്ച​യാ​ണ് കൊ​റോ​ണ​യെ തു​ട​ർ​ന്ന് കിം​ഗ് കൗ​ണ്ടി​യി​ൽ ആ​ദ്യ മ​ര​ണം റി​പ്പോ​ർ​ട്ട് ചെ​യ്തി​രു​ന്ന​ത്.

ശ​നി​യാ​ഴ്ച അ​ർ​ധ​രാ​ത്രി​യാ​ണ് അ​ന്പ​തു​കാ​ര​ൻ മ​രി​ച്ച​ത്. തു​ട​ർ​ന്ന് സം​സ്ഥാ​ന​ത്ത് ഗ​വ​ർ​ണ​ർ ജേ ​ഇ​ൻ​സ്ലീ ആ​രോ​ഗ്യ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു.

കോ​വി​ഡ് ബാ​ധ രൂ​ക്ഷ​മാ​യ ഇ​റാ​ൻ, ഇ​റ്റ​ലി, ദ​ക്ഷി​ണ​കൊ​റി​യ രാ​ജ്യ​ങ്ങ​ളി​ലേ​ക്കു​ള്ള യാ​ത്ര​യ്ക്ക് അ​മേ​രി​ക്ക ക​ടു​ത്ത നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​രി​ക്കു​ക​യാ​ണ്.

വൈ​റ​സ് ബാ​ധ ത​ട​യാ​ൻ മെ​ക്സി​ക്ക​ൻ അ​തി​ർ​ത്തി അ​ട​യ്ക്കു​ന്ന കാ​ര്യം പ​രി​ഗ​ണി​ക്കു​ക​യാ​ണെ​ന്ന് ട്രം​പ് വൈ​റ്റ് ഹൗ​സി​ൽ വാ​ർ​ത്താ സ​മ്മേ​ള​ന​ത്തി​ൽ പ​റ​ഞ്ഞു.

ഇ​റാ​നി​ൽ 54 മ​ര​ണം

ഇ​റാ​നാ​ണ് പ​ശ്ചി​മേ​ഷ്യ​ൻ മേ​ഖ​ല​യി​ലെ വൈ​റ​സി​ന്‍റെ പ്ര​ഭ​വ​കേ​ന്ദ്രം. ഇ​റാ​നി​ൽ ഇ​തു​വ​രെ 978 പേ​രി​ലാ​ണ് സ്ഥി​രീ​ക​രി​ച്ചി​രി​ക്കു​ന്ന​ത്. 54 പേ​ർ മ​രി​ച്ച​താ​യാ​ണ് ഒൗ​ദ്യോ​ഗി​ക ക​ണ​ക്ക്.

ശ​നി​യാ​ഴ്ച മാ​ത്രം 205 പേ​ർ​ക്കാ​ണ് ഇ​റാ​നി​ൽ വൈ​റ​സ് ബാ​ധ സ്ഥി​രീ​ക​രി​ച്ച​ത്. ഇ​റാ​നി​ലെ ഷി​യ വി​ഭാ​ഗ​ക്കാ​രു​ടെ പു​ണ്യ​കേ​ന്ദ്ര​മാ​യ മ​ഷാ​ദ് ഉ​ൾ​പ്പെ​ടെ​യു​ള്ള ന​ഗ​ര​ങ്ങ​ളി​ൽ പു​തി​യ കേ​സു​ക​ൾ ര​ജി​സ്റ്റ​ർ ചെ​യ്ത​താ​യി മ​ന്ത്രാ​ല​യ വ​ക്താ​വ് കി​നൗ​ഷ് ജ​ഹാ​ൻ​പു​ർ അ​റി​യി​ച്ചു.

ഇ​ത്ത​രം തീ​ർ​ഥാ​ട​ന കേ​ന്ദ്ര​ങ്ങ​ൾ അ​ട​യ്ക്ക​ണ​മെ​ന്ന് ഇ​റാ​ൻ ഭ​ര​ണ​കൂ​ടം അ​ഭ്യ​ർ​ഥി​ച്ചെ​ങ്കി​ലും സ്ഥാ​പ​ന അ​ധി​കാ​രി​ക​ൾ ഇ​തു​വ​രെ ചെ​വി​ക്കൊ​ണ്ടി​ട്ടി​ല്ല. മ​ഷാ​ദ് ഉ​ൾ​പ്പെ​ടെ ഇ​പ്പോ​ഴും തു​റ​ന്നി​രി​ക്കു​ക​യാ​ണ്.

അ​തേ​സ​മ​യം, ഇ​റാ​നി​ലെ മ​ര​ണ​സം​ഖ്യ സം​ബ​ന്ധി​ച്ചും സം​ശ​യ​ങ്ങ​ൾ ഉ​യ​രു​ന്നു​ണ്ട്. ഇ​റാ​നി​ലെ മ​ര​ണ​സം​ഖ്യ ഇ​പ്പോ​ൾ വെ​ളി​പ്പെ​ടു​ത്തി​യ​തി​ലും അ​ധി​ക​മാ​കാ​മെ​ന്ന് വി​ദ​ഗ്ധ​ർ ക​രു​തു​ന്നു.

മി​ക്ക ഗ​ൾ​ഫ് രാ​ജ്യ​ങ്ങ​ളി​ലും ഇ​പ്പോ​ൾ ത​ന്നെ വൈ​റ​സ് സ്ഥി​രീ​ക​രി​ച്ചു​ക​ഴി​ഞ്ഞു. കു​വൈ​റ്റി​ൽ 46, ബ​ഹ​റി​നി​ൽ 38, ഒ​മാ​നി​ൽ ആ​റ്, യു​എ​ഇ​യി​ൽ 21 എ​ന്നി​ങ്ങ​നെ​യാ​ണ് ഇ​പ്പോ​ൾ ല​ഭ്യ​മാ​കു​ന്ന കൊ​റോ​ണ ബാ​ധി​ത​രു​ടെ ക​ണ​ക്കു​ക​ൾ.

ഇ​റാ​നി​ൽ​നി​ന്ന് വൈ​റ​സ് പ​ക​രു​ന്ന​ത് ത​ട​യാ​നു​ള്ള ന​ട​പ​ടി​ക​ൾ ഈ ​രാ​ജ്യ​ങ്ങ​ൾ കൈ​ക്കൊ​ള്ളു​ന്നു​ണ്ട്. സൗ​ദി അ​റേ​ബ്യ മ​ക്ക, മ​ദീ​ന തീ​ർ​ഥാ​ട​ന കേ​ന്ദ്ര​ങ്ങ​ളി​ലേ​ക്കു​ള്ള വി​ശ്വാ​സി​ക​ളു​ടെ പ്ര​വേ​ശ​നം നി​ർ​ത്തി​വ​ച്ചി​രി​ക്കു​ക​യാ​ണ്.