സൈക്കിള്‍ ചവിട്ടി വരുന്നതിന്‍റെ ക്ഷീണം തീര്‍ക്കാന്‍ തിരക്കില്ലാത്ത റോഡില്‍ സൈക്കിളില്‍ നിന്നിറങ്ങി. എന്നാല്‍ ഒരു ശബ്ദം കേട്ട് നോക്കിയപ്പോള്‍ അതാ ഒരുകൂട്ടം പശുക്കള്‍ റോഡിലൂടെ തന്‍റെ നേരെ പാഞ്ഞുവരുന്നു. അവയെ തടഞ്ഞു നിര്‍ത്താന്‍ സഹായമഭ്യര്‍ഥിച്ചുള്ള കര്‍ഷകന്‍റെ ശബ്ദവും പിന്നാലെയെത്തി.
എന്തു ചെയ്യണമമെന്നറിയാതെ ഒരു നിമിഷം വണ്ടറടിച്ച ഒക്കോണര്‍ രണ്ടും കല്‍പ്പിച്ച് പശുക്കളുടെ മുമ്പിലേക്ക് ചാടി അവയോട് നില്‍ക്കാന്‍ ആജ്ഞാപിക്കുകയായിരുന്നു. അദ്ഭുതമെന്നു പറയട്ടെ പശുക്കള്‍ ഒന്നാകെ അവിടെ നില്‍ക്കുകയാണുണ്ടായത്.
അതോടെ കര്‍ഷകന് പിന്നാലെയെത്തി അവയെ നിയന്ത്രിക്കാനുള്ള സമയവും കിട്ടി. ഈ സംഭവത്തിന്‍റെ വീഡിയോ ഇന്‍സ്റ്റഗ്രാമില്‍ പങ്കുവെച്ച ഒക്കോണര്‍ തന്‍റെ സൈക്കിള്‍ യാത്രയില്‍ സംഭവിച്ച ഏറ്റവും വിചിത്രമായ കാര്യമെന്നാണ് ഇതിനെ വിശേഷിപ്പിച്ചത്.
വീഡിയോ സോഷ്യല്‍മീഡിയയില്‍ വന്‍തരംഗമാവുകയും ചെയ്തു. 13 ദശലക്ഷം ആളുകള്‍ കണ്ട വീഡിയോയ്ക്ക് 1.5 ദശലക്ഷം പേര്‍ ലൈക്ക് അടിക്കുകയും നിരവധി പേര്‍ കമന്‍റ് ചെയ്യുകയും ചെയ്തു.
സമാനമായ അനുഭവം തനിക്ക് സ്‌കോട്ട്‌ലന്‍ഡില്‍ വച്ചുണ്ടായിട്ടുണ്ടെന്നാണ് ഒരാള്‍ കമന്‍റ് ചെയ്തത്. അന്ന് പശുക്കള്‍ക്കു പകരം ചെമ്മരിയാടുകളായിരുന്നുവെന്നും എന്നാല്‍ അവ തന്നെ അനുസരിക്കാതെ കളിയാക്കുന്ന തരത്തിലുള്ള ശബ്ദമുണ്ടാക്കി മുമ്പോട്ട് ഓടിപ്പോയതോടെ താന്‍ ഇളിഭ്യനായെന്നും അയാള്‍ പറയുന്നു.
പറയുന്നു.
