ക​ളി​ക്ക​ള​ങ്ങ​ൾ നി​ശ​ബ്ദ​മാ​യ മ​ധ്യ​വേ​ന​ൽ അ​വ​ധി​ക്കാ​ലം; മെയ് മാസ പുലരിക്കായ് കാത്ത് കുട്ടികൾ

ജോ​ജി തോ​മ​സ്
കാ​ഞ്ഞി​ര​പ്പ​ള്ളി: ക​ളി​യാ​ര​വ​ങ്ങ​ളു​ടെ വ​സ​ന്ത​കാ​ല​മാ​ണ് മ​ധ്യ​വേ​ന​ൽ അ​വ​ധി​ക്കാ​ലം. ഗ്രാ​മ-​ന​ഗ​ര വ്യ​ത്യാ​സ​മി​ല്ലാ​തെ ക​ളി​ക്ക​ള​ങ്ങ​ൾ സ​ജീ​വ​മാ​കു​ന്ന കാ​ലം. പൊ​ന്നു​രു​കു​ന്ന ചൂ​ടി​നോ, വേ​ന​ലി​ൽ മി​ന്ന​ലും ഇ​ടി​യു​മാ​യി എ​ത്തു​ന്ന മ​ഴ​യ്ക്കോ ക​ളി​ക്ക​ള​ങ്ങ​ളി​ലെ ആ​ര​വം ത​ട​യാ​നാ​യി​രു​ന്നി​ല്ല. ഇ​ന്ന് സ്ഥി​തി​യ​ത​ല്ല.

കൊ​റോ​ണ​യും അ​നു​ബ​ന്ധ​മാ​യു​ണ്ടാ​യ നി​യ​ന്ത്ര​ണ​ങ്ങ​ളും മ​ധ്യ​വേ​ന​ൽ അ​വ​ധി​യെ നി​ശ​ബ്ദ​മാ​ക്കി. ക​ളി​ക്ക​ള​ങ്ങ​ൾ ആ​ളൊ​ഴി​ഞ്ഞ് ആ​ര​വ​ങ്ങ​ളി​ല്ലാ​താ​യി. അ​വ​ധി​ക്ക് ആ​ടി​ത്തി​മി​ർ​ക്കേ​ണ്ട ബാ​ല്യ​ങ്ങ​ൾ ലോ​ക്ക്ഡൗ​ണ്‍ മൂ​ലം വീ​ടി​ന്‍റെ ചു​മ​ലു​ക​ൾ​ക്കു​ള്ളി​ൽ ഒ​തു​ങ്ങി. ഇ​ത്ര ശാ​ന്ത​മാ​യ ഒ​രു മ​ധ്യ​വേ​ന​ൽ അ​വ​ധി​യെ​ക്കു​റി​ച്ച് ആ​ർ​ക്കും കേ​ട്ടു​കേ​ൾ​വി പോ​ലു​മി​ല്ല.

കൊ​റോ​ണ എ​ന്ന മ​ഹാ​മാ​രി​യി​ല്ലാ​യി​രു​ന്നെ​ങ്കി​ൽ എ​ണ്ണ​മ​റ്റ ടൂ​ർ​ണ​മെ​ന്‍റു​ക​ൾ ന​ട​ക്കേ​ണ്ട കാ​ല​മാ​ണി​ത്. ക്രി​ക്ക​റ്റി​ലും ഫു​ട്ബോ​ളി​ലും വോ​ളി​ബോ​ളി​ലും തു​ട​ങ്ങി നാ​ട​ൻ പ​ന്തു​ക​ളി​യി​ൽ വ​രെ പു​തി​യ പ്ര​തി​ഭ​ക​ൾ ഉ​ദി​ച്ചു​യ​രേ​ണ്ട കാ​ലം.

അ​ങ്ങ​നെ എ​ത്ര​യെ​ത്ര പ്ര​തി​ഭ​ക​ളു​ടെ വ​ര​വി​നെ​യാ​ണു കൊ​റോ​ണ ത​ടു​ത്തു നി​ർ​ത്തി​യ​ത്. മ​ഹാ​മാ​രി​യെ വ​ക​വ​യ്ക്കാ​തെ ലോ​ക്ക്ഡൗ​ണി​ന്‍റെ ആ​ദ്യ​ദി​ന​ങ്ങ​ളി​ൽ ഗ്രൗ​ണ്ടി​ലി​റ​ങ്ങി​യ കു​ട്ടി​ക്കൂ​ട്ട​ങ്ങ​ളെ പോ​ലീ​സ് ന​ല്ല​ബു​ദ്ധി ഉ​പ​ദേ​ശി​ച്ച് തി​രി​ച്ച​യ​ച്ചി​രു​ന്നു.

ന​ഗ​ര​ങ്ങ​ളി​ലെ ക​ളി​ക്ക​ള​ങ്ങ​ളി​ൽ പോ​ലീ​സി​ന്‍റെ ക​ണ്ണ് എ​ത്തു​മെ​ങ്കി​ലും ഗ്രാ​മ​ങ്ങ​ളി​ൽ അ​ത്യാ​വ​ശ്യം സ്വാ​ത​ന്ത്ര്യ​മു​ണ്ടാ​യി​രു​ന്നു. കൂ​ട്ടം​കൂ​ടു​ന്ന​വ​രെ പി​ടി​ക്കാ​ൻ ആ​കാ​ശ​മാ​ർ​ഗം ഡ്രോ​ണു​ക​ൾ പ​റ​ക്കാ​ൻ തു​ട​ങ്ങി​യ​തോ​ടെ ആ ​വ​ഴി​യും അ​ട​ഞ്ഞു.

മ​ധ്യ​വേ​ന​ൽ അ​വ​ധി ആ​ഘോ​ഷ​മാ​ക്കാ​ൻ പ​ബ്ജി പോ​ലു​ള്ള ഓ​ണ്‍​ലൈ​ൻ ഗെ​യി​മു​ക​ൾ വീ​ടി​ന്‍റെ​യോ മ​ര​ത്തി​ന്‍റെ​യോ ത​ണ​ലി​ലി​രു​ന്ന് ക​ളി​ക്കേ​ണ്ട ഗ​തി​കേ​ടി​ലാ​ണ് കു​ട്ടി​ക്കൂ​ട്ട​ങ്ങ​ൾ.

ഏ​പ്രി​ൽ അ​വ​ധി കൊ​റോ​ണ കൊ​ണ്ടു​പോ​യെ​ങ്കി​ലും മേ​യ് മാ​സം ആ​ടി​ത്തി​മി​ർ​ക്കാ​മെ​ന്ന പ്ര​തീ​ക്ഷ കു​ഞ്ഞു​മ​ന​സു​ക​ളി​ലു​ണ്ട്. നി​യ​ന്ത്ര​ണ​ങ്ങ​ളും രോ​ഗ​ഭ​യ​വും ഇ​ല്ലാ​ത്ത ക​ളി​ചി​രി​ക​ളു​ടെ​യും ആ​ഘോ​ഷ​ത്തി​ന്‍റെ​യും പ​ക​ലു​ക​ൾ ഉ​ദ​യം ചെ​യ്യ​ട്ടെ.