മീൻ കുളത്തിന് കഴിയെടുത്തു, എത്തിയതാവട്ടെ ലോഡ് കണക്കിന് മാലിന്യവും; ജനവാസമേഖലയിൽ മാ​ലി​ന്യം കു​ഴി​ച്ചു​മൂ​ടാൻ ശ്ര​മം നാട്ടുകാർ ത​ട​ഞ്ഞു; വസ്തു ഉടമ പറഞ്ഞ് പറ്റിച്ചതിനെക്കുറിച്ച് നാട്ടുകാർ പറഞ്ഞതിങ്ങനെ…

കോ​ത​മം​ഗ​ലം: വ​ടാ​ട്ടു​പാ​റ​യി​ൽ ജ​ന​വാ​സ​മേ​ഖ​ല​യി​ൽ സ്വ​കാ​ര്യ​വ്യ​ക്തി​യു​ടെ പു​ര​യി​ട​ത്തി​ൽ മാ​ലി​ന്യം കു​ഴി​ച്ചു​മൂ​ടാ​ൻ ശ്ര​മി​ച്ച​ത് നാ​ട്ടു​കാ​ർ ത​ട​ഞ്ഞു. ഉ​പ​യോ​ഗ​ശൂ​ന്യ​മാ​യ മ​രു​ന്നു​ക​ൾ, സൗ​ന്ദ​ര്യ​വ​ർ​ധ​ക വ​സ്തു​ക്ക​ൾ എ​ന്നി​വ പ്ലാ​സ്റ്റി​ക് ചാ​ക്കു​ക​ളി​ലാ​ക്കി കു​ഴി​ച്ചു​മൂ​ടാ​നാ​ണ് ശ്ര​മം ന​ട​ന്ന​ത്.

വ​ടാ​ട്ടു​പാ​റ അ​രീ​ക്കാ​സി​റ്റി​ക്ക് സ​മീ​പം ജ​ന​വാ​സ​മേ​ഖ​ല​യി​ലെ സ്വ​കാ​ര്യ​വ്യ​ക്തി​യു​ടെ പു​ര​യി​ട​ത്തി​ലാ​ണ് മാ​ലി​ന്യം കൊ​ണ്ടു​വ​ന്ന​ത്.
മൂ​ന്നു ലോ​ഡ് മാ​ലി​ന്യം ഇ​വി​ടെ കു​ഴി​യി​ൽ ത​ള്ളി​യ​ശേ​ഷം മ​ണ്ണി​ട്ട് മൂ​ടാ​ൻ ശ്ര​മി​ക്ക​വേ നാ​ട്ടു​കാ​രു​ടെ ശ്ര​ദ്ധ​യി​ൽ​പ്പെ​ടു​ക​യാ​യി​രു​ന്നു.

അ​തോ​ടെ നാ​ട്ടു​കാ​ർ ഇ​ട​പെ​ട്ട് കു​ഴി​മൂ​ടു​ന്ന​ത് ത​ട​ഞ്ഞു. ജ​ല​സ്രോ​ത​സു​ക​ൾ​ക്കു സ​മീ​പ​ത്താ​ണ് മാ​ലി​ന്യം ത​ള്ളി​യ​ത്. വ്യാ​ഴാ​ഴ്ച രാ​ത്രി​യി​ലാ​യി​രു​ന്നു സം​ഭ​വം. വ​നം​വ​കു​പ്പി​ന്‍റെ ചെ​ക്ക് പോ​സ്റ്റ് ക​ട​ന്നാ​ണു കെ​മി​ക്ക​ലു​ക​ള​ട​ങ്ങി​യ മാ​ലി​ന്യ​ങ്ങ​ൾ നി​റ​ച്ച വ​ണ്ടി​ക​ൾ വ​ടാ​ട്ടു​പാ​റ​യി​ലെ​ത്തി​യ​ത്.

ചെ​ക്ക് പോ​സ്റ്റി​ൽ പ​രി​ശോ​ധ​ന ന​ട​ത്തി​യി​രു​ന്നെ​ങ്കി​ൽ മാ​ലി​ന്യം ക​ട​ത്തു​ന്ന​ത് ത​ട​യാ​നാ​കു​മാ​യി​രു​ന്നു​വെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. മ​ത്സ്യ​ക്കു​ള​ത്തി​നെ​ന്ന പേ​രി​ലാ​ണ് സ്ഥ​ല​മു​ട​മ ജെ​സി​ബി ഉ​പ​യോ​ഗി​ച്ച് കു​ഴി​യെ​ടു​ത്ത​ത്.

മാ​ലി​ന്യം ത​ള്ളി​യ​ശേ​ഷ​മാ​ണ് ക​ബ​ളി​പ്പി​ക്ക​പ്പെ​ട്ട​വി​വ​രം അ​റി​ഞ്ഞ​തെ​ന്നു നാ​ട്ടു​കാ​ർ പ​റ​ഞ്ഞു. കു​ട്ട​ന്പു​ഴ എ​സ്ഐ ശ​ശി​കു​മാ​റി​ന്‍റെ നേ​തൃ​ത്വ​ത്തി​ൽ പോ​ലീ​സ് സ്ഥ​ല​ത്തെ​ത്തി കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.