ഒ.​ആ​ർ. കേ​ളു സം​സ്ഥാ​ന മ​ന്ത്രി​സ​ഭ​യി​ലേ​ക്ക് കാ​ലെ​ടു​ത്ത് വ​യ്ക്കു​ന്ന​ത് വ​യ​നാ​ടി​ന്‍റെ നാ​ലാ​മ​ത്തെ മ​ന്ത്രി​യാ​യി; ജില്ലയിലെ പ്രഥമ സിപിഎം മന്ത്രിയെന്ന ബഹുമതിയും

ക​ൽ​പ്പ​റ്റ: വ​യ​നാ​ട്ടി​ൽ​നി​ന്ന് സം​സ്ഥാ​ന മ​ന്ത്രി​പ​ദ​ത്തി​ൽ എ​ത്തു​ന്ന നാ​ലാ​മ​ത്തെ വ്യ​ക്തി​യാ​ണ് തി​രു​നെ​ല്ലി പ​ഞ്ചാ​യ​ത്തി​ൽ​നി​ന്നു​ള്ള ഒ.​ആ​ർ. കേ​ളു. ജി​ല്ല​യി​ൽ​നി​ന്നു​ള്ള പ്ര​ഥ​മ സി​പി​എം മ​ന്ത്രി എ​ന്ന പ​ദ​വി​യും പ​ട്ടി​ക​വ​ർ​ഗ​ത്തി​ലെ കു​റി​ച്യ സ​മു​ദാ​യ​ത്തി​ൽ​നി​ന്നു​ള്ള കേ​ളു​വി​നു സ്വ​ന്ത​മാ​കും.

എം.​പി. വീ​രേ​ന്ദ്ര​കു​മാ​ർ, കെ.​കെ. രാ​മ​ച​ന്ദ്ര​ൻ, പി.​കെ. ജ​യ​ല​ക്ഷ്മി എ​ന്നി​വ​രാ​ണ് മു​ന്പ് സം​സ്ഥാ​ന മ​ന്ത്രി​സ​ഭ​യി​ൽ ഇ​ടം​പി​ടി​ച്ച വ​യ​നാ​ട്ടു​കാ​ർ. 1982ലെ ​ക​രു​ണാ​ക​ര​ൻ മ​ന്ത്രി​സ​ഭ​യി​ൽ സ​ഹ​ക​ര​ണ മ​ന്ത്രി​യാ​യി​രു​ന്ന എം. ​ക​മ​ലം ക​ൽ​പ്പ​റ്റ മ​ണ്ഡ​ല​ത്തി​ൽ​നി​ന്നാ​ണു നി​യ​മ​സ​ഭ​യി​ൽ എ​ത്തി​യ​തെ​ങ്കി​ലും വ​യ​നാ​ട് സ്വ​ദേ​ശി​നി​യ​ല്ല.

എം.​പി. വീ​രേ​ന്ദ്ര​കു​മാ​റാ​ണ് ജി​ല്ല​യി​ൽ​നി​ന്നു​ള്ള ആ​ദ്യ സം​സ്ഥാ​ന മ​ന്ത്രി. 1987 ഏ​പ്രി​ൽ ര​ണ്ടി​ന് വ​നം മ​ന്ത്രി​യാ​യി ചു​മ​ത​ല​യേ​റ്റ അ​ദ്ദേ​ഹം ദി​വ​സ​ങ്ങ​ൾ​ക്കു​ള്ളി​ൽ രാ​ജി​വ​യ്ക്കു​ക​യാ​യി​രു​ന്നു. വീ​രേ​ന്ദ്ര​കു​മാ​ർ പി​ന്നീ​ട് കേ​ന്ദ്ര മ​ന്ത്രി​സ​ഭ​ക​ളി​ലും ഇ​ടം​പി​ടി​ച്ചു. ദേ​വ​ഗൗ​ഡ മ​ന്ത്രി​സ​ഭ​യി​ൽ 1997 ഫെ​ബ്രു​വ​രി 21 മു​ത​ൽ ജൂ​ണ്‍ ഏ​ഴു വ​രെ ധ​ന സ​ഹ​മ​ന്ത്രി​യാ​യി​രു​ന്നു അ​ദ്ദേ​ഹം. പി​ന്നീ​ട് ഐ.​കെ. ഗു​ജ​റാ​ൾ മ​ന്ത്രി​സ​ഭ​യി​ൽ സ്വ​ത​ന്ത്ര ചു​മ​ത​ല​യു​ള്ള തൊ​ഴി​ൽ​മ​ന്ത്രി​യാ​യി​രു​ന്നു.

കോ​ണ്‍​ഗ്ര​സ് നേ​താ​വാ​യ കെ.​കെ. രാ​മ​ച​ന്ദ്ര​ൻ 1995-96ൽ ​എ.​കെ. ആ​ന്‍റ​ണി മ​ന്ത്രി​സ​ഭ​യി​ൽ ഭ​ക്ഷ്യ, പൊ​തു​വി​ത​ര​ണ മ​ന്ത്രി​യാ​യി​രു​ന്നു. 2004-06ൽ ​ഉ​മ്മ​ൻ ചാ​ണ്ടി മ​ന്ത്രി​സ​ഭ​യി​ൽ ആ​രോ​ഗ്യ വ​കു​പ്പ് കൈ​കാ​ര്യം ചെ​യ്ത​തും അ​ദ്ദേ​ഹ​മാ​ണ്. 2011ലെ ​ഉ​മ്മ​ൻ ചാ​ണ്ടി മ​ന്ത്രി​സ​ഭ​യി​ൽ അം​ഗ​മാ​യി​രു​ന്നു മാ​ന​ന്ത​വാ​ടി​യി​ൽ​നി​ന്നു​ള്ള പി.​കെ. ജ​യ​ല​ക്ഷ്മി.

പ​ട്ടി​ക​വ​ർ​ഗ​ത്തി​ലെ കു​റി​ച്യ വി​ഭാ​ഗ​ത്തി​ൽ​നി​ന്നു​ള്ള അ​വ​ർ പ​ട്ടി​ക​ജാ​തി-​വ​ർ​ഗ ക്ഷേ​മ വ​കു​പ്പാ​ണു കൈ​കാ​ര്യം ചെ​യ്ത​ത്. 2016ലെ ​തെ​ര​ഞ്ഞെ​ടു​പ്പി​ൽ മാ​ന​ന്ത​വാ​ടി മ​ണ്ഡ​ല​ത്തി​ൽ ജ​യ​ല​ക്ഷ്മി​യെ 1,307 വോ​ട്ടി​ന് പ​രാ​ജ​യ​പ്പെ​ടു​ത്തി​യാ​ണ് ഒ.​ആ​ർ. കേ​ളു ആ​ദ്യ​മാ​യി നി​യ​മ​സ​ഭ​യി​ലെ​ത്തി​യ​ത്. 2021ൽ ​ജ​യ​ല​ക്ഷ്മി​യെ നേ​രി​ട്ട കേ​ളു ഭൂ​രി​പ​ക്ഷം 9,282 വോ​ട്ടാ​യി വ​ർ​ധി​പ്പി​ച്ചു.

ക​ർ​ഷ​ക കു​ടും​ബാം​ഗ​മാ​ണു കേ​ളു (54). നി​ല​വി​ൽ സി​പി​എം സം​സ്ഥാ​ന സ​മി​തി​യം​ഗ​വും ആ​ദി​വാ​സി ക്ഷേ​മ സ​മി​തി സം​സ്ഥാ​ന പ്ര​സി​ഡ​ന്‍റു​മാ​ണ്. സി​പി​എം കാ​ട്ടി​ക്കു​ളം ലോ​ക്ക​ൽ ക​മ്മി​റ്റി അം​ഗം, മാ​ന​ന്ത​വാ​ടി ഏ​രി​യ ക​മ്മി​റ്റി അം​ഗം, ജി​ല്ലാ ക​മ്മി​റ്റി അം​ഗം, ജി​ല്ലാ സെ​ക്ര​ട്ടേ​റി​യ​റ്റ് അം​ഗം എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്. പ​ത്താം ക്ലാ​സി​ൽ പ​ഠി​പ്പു​നി​ർ​ത്തി ഉ​പ​ജീ​വ​ന​ത്തി​നു കൂ​ലി​പ്പ​ണി​യെ​ടു​ത്തി​രു​ന്ന കേ​ളു ര​ണ്ട​ര പ​തി​റ്റാ​ണ്ടു​മു​ന്പാ​ണ് പൊ​തു​രം​ഗ​ത്ത് സ​ജീ​വ​മാ​യ​ത്.

2000ൽ ​തി​രു​നെ​ല്ലി പ​ഞ്ചാ​യ​ത്ത് ഭ​ര​ണ സ​മി​തി​യി​ലെ​ത്തി​യ അ​ദ്ദേ​ഹം പി​ന്നീ​ട് പ​ഞ്ചാ​യ​ത്ത് പ്ര​സി​ഡ​ന്‍റും മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്തം​ഗ​വു​മാ​യി. 2016ലും 2021​ലും മാ​ന​ന്ത​വാ​ടി എം​എ​ൽ​എ​യാ​യി. കാ​ട്ടി​ക്കു​ളം ഓ​ല​ഞ്ചേ​രി പു​ത്ത​ൻ​മി​റ്റം രാ​മ​ൻ-​അ​മ്മു ദ​ന്പ​തി​ക​ളു​ടെ മ​ക​നാ​ണ്. ഭാ​ര്യ ശാ​ന്ത​യും മി​ഥു​ന, ഭാ​വ​ന എ​ന്നീ മ​ക്ക​ളും അ​ട​ങ്ങു​ന്ന​താ​ണു കു​ടും​ബം.