നദിയില്‍ കുടുങ്ങി നിന്നുപോയയാള്‍ക്ക് സഹായഹസ്തം നീട്ടി ഒറാംഗൂട്ടാൻ. ബോര്‍ണിയോയിലാണ് സംഭവം. വനത്തിനുള്ളിലെ നദിയിലുള്ള വിഷപാമ്പുകള്‍ കുരങ്ങുകള്‍ക്ക് ഏറെ വെല്ലുവിളിയുണ്ടാക്കുന്നുണ്ട്. അതുകൊണ്ട് പാമ്പുകളെ ഇവിടെ നിന്നും പിടികൂടി മാറ്റുന്നതിനായാണ് ഇദ്ദേഹം നദിയില്‍ ഇറങ്ങിയത്.
നദിയില്‍ ഇറങ്ങിയ ഇദ്ദേഹം തോളപ്പമുള്ള വെള്ളത്തില്‍ കുടുങ്ങി കരയില്‍ കയറാനാകാതെ നിന്നു. സംഭവം കണ്ട് സമീപത്തേക്ക് എത്തിയ ഒരു ഒറാംഗൂട്ടാന്‍ ഇദ്ദേഹത്തിന് നേര്‍ക്ക് സഹായഹസ്തം നീട്ടുകയായിരുന്നു. വനത്തിലൂടെ യാത്ര ചെയ്ത അനില്‍ പ്രഭാകര്‍ എന്നയാളാണ് ഈ ചിത്രം പകര്‍ത്തിയത്.
ഏറെ ഹൃദയഹാരിയായ ചിത്രം സോഷ്യല്‍മീഡിയയില്‍ പങ്കുവച്ചതിനെ തുടര്‍ന്ന് പ്രതികരണവുമായി നിരവധിയാളുകളാണ് രംഗത്തെത്തുന്നത്.
