സം​സ്ഥാ​ന ജ​ല​അ​ഥോ​റി​റ്റി​യു​ടെ ജ​ല​വി​ത​ര​ണം ഇ​നി റി​മോ​​ട്ട് ക​ണ്‍​ട്രോ​ ളിലൂടെ; ജോലി നഷ്ടപ്പെട്ട് നൂറുകണക്കിന് പമ്പ് ഓപ്പറേറ്റർമാർ

എ​ട​ത്വ: സം​സ്ഥാ​ന ജ​ല​അ​ഥോ​റി​റ്റി​യു​ടെ കീ​ഴി​ലു​ള്ള പ​ന്പു ഹൗ​സു​ക​ളി​ൽ പ​ന്പ് ഓ​പ്പ​റേ​റ്റ​ർ​മാ​രെ ഒ​ഴി​വാ​ക്കി ജ​ല​വി​ത​ര​ണം റി​മോ​ട്ട് ക​ണ്‍​ട്രോ​ൾ സി​സ്റ്റ​ത്തി​ലൂ​ടെ. വി​ത​ര​ണം ന​ട​ക്കു​ന്ന​ത് ഓ​ഫീ​സ് നി​യ​ന്ത്ര​ണ​ത്തി​ലാ​യ​തോ​ടെ സം​സ്ഥാ​ന​ത്ത് നൂ​റു ക​ണ​ക്കി​ന് പ​ന്പ് ഓ​പ്പ​റേ​റ്റ​ർ​മാ​ർ​ക്കാ​ണ് തൊ​ഴി​ൽ ന​ഷ്ട​പ്പെ​ട്ട​ത്.

ഉ​ദ്യോ​ഗ​സ്ഥ​ർ​ക്ക് സ​ബ്ഡി​വി​ഷ​ൻ ഓ​ഫീ​സി​ലി​രു​ന്ന് നിയ​ന്ത്രി​ക്കാ​വു​ന്ന ത​ര​ത്തി​ൽ സ​മ​യ​ക്ര​മീ​ക​ര​ണം സെ​റ്റു​ചെ​യ്താ​ണ് ജ​ല​വി​ത​ര​ണം ന​ട​ത്തു​ന്ന​ത്. ഇ​തോ​ടെ സ​ബ്ഡി​വി​ഷ​ന്‍റെ കീ​ഴി​ൽ വ​രു​ന്ന പ​ന്പു​ഹൗ​സി​ന്‍റെ നിയ​ന്ത്ര​ണം സ്ഥി​രം ജീ​വ​ന​ക്കാ​രി​ൽ എ​ത്തും.

നി​ല​വി​ലെ താ​ത്കാ​ലി​ക ഓ​പ്പ​റേ​റ്റ​ർ​മാ​രു​ടെ പ്രാ​യ​വും ഐ​ടി വി​ദ്യാ​ഭ്യാ​സം ഇ​ല്ലാ​ത്ത​തും പ​ല പ​ന്പ്ഹൗ​സി​ലേ​യും വി​ത​ര​ണ​ത്തി​ൽ പ്ര​തി​സ​ന്ധി സൃ​ഷ്ടി​ക്കു​ക​യും ല​ക്ഷ​ക്ക​ണ​ക്കി​നു വി​ല​യു​ള്ള മോ​ട്ട​ർ ത​ക​രാ​റി​ലാ​കു​ക​യും ചെ​യ്തി​രു​ന്നു.

അ​ഥോ​റി​റ്റി ക​ടു​ത്ത സാ​ന്പ​ത്തി​ക പ്ര​തി​സ​ന്ധി​യി​ലേ​ക്കു പോ​കു​ന്പോ​ൾ പ​ന്പു​ക​ളി​ലെ അ​റ്റ​കു​റ്റപ്പ​ണി​ക്ക് വ​ൻ​തു​ക ചെല​വാ​കേ​ണ്ടിവ​രു​ന്ന സാ​ഹ​ച​ര്യ​ത്തി​ലാ​ണ് ജ​ല​അ​ഥോ​റി​റ്റി എം​ഡി റി​മോ​ർ​ട്ട് സി​സ്റ്റം ആ​രം​ഭി​ക്കാ​ൻ സ​ർ​ക്കു​ല​ർ ഇ​റ​ക്കി​യ​തെ​ന്ന് എ​ട​ത്വ ജ​ല​അ​ഥോ​റി​റ്റി അ​സി. എ​ൻ​ജി​നി​യ​ർ പ​റ​യു​ന്നു.

ജ​ല​വി​ത​ര​ണ​ത്തി​ലെ പാ​ളി​ച്ച​ക​ൾ ഏ​റെ​ക്കു​റെ പ​രി​ഹ​രി​ച്ചെ​ങ്കി​ലും സം​സ്ഥാ​ന​ത്ത് ഈ ​തൊ​ഴി​ൽ ചെ​യ്തി​രു​ന്ന നൂ​റു ക​ണ​ക്കി​ന് ഓ​പ്പ​റേ​റ്റ​ർ​മാ​രു​ടെ തൊ​ഴി​ലാ​ണ് ന​ഷ്ട​പ്പെ​ട്ട​ത്. എ​ട​ത്വ സ​ബ് ഡി​വി​ഷ​ൻ ഓ​ഫീ​സി​ലെ പ​ത്ത് പ​ന്പ് ഹൗ​സു​ക​ളി​ലാ​യി ഇ​രു​പ​തി​ലേ​റെ പേ​ർ തൊ​ഴി​ൽ ചെ​യ്തി​രു​ന്നു.

ക​ണ്‍​ട്രോ​ൾ സി​സ്റ്റ​ത്തി​ൽ പ്ര​വ​ർ​ത്തി​പ്പി​ക്കാ​ൻ ഒ​രു പ​ന്പ്ഹൗ​സ് മാ​ത്ര​മാ​ണു​ള്ള​ത്. ജി​ല്ല​യി​ൽ ഹ​രി​പ്പാ​ട് ഓ​ഫീ​സി​ന്‍റെ കീ​ഴി​ൽ മാ​സ​ങ്ങ​ൾ​ക്കു മു​ന്പ് സി​സ്റ്റം നി​ല​വി​ൽ വ​ന്നി​രു​ന്നു. സം​സ്ഥാ​ന​ത്ത് ര​ണ്ടു മാ​സ​ത്തി​നു​ള്ളി​ൽ ജ​ല​വി​ത​ര​ണം റി​മോ​ർ​ട്ട് ക​ണ്‍​ട്രോ​ൾ സി​റ്റം വ​ഴി പൂ​ർ​ത്തി​യാ​ക്കാ​നാ​ണ് അ​ഥോ​റി​റ്റി ല​ക്ഷ്യ​മി​ടു​ന്ന​ത്.