പ​ണ​പ്പെ​രു​പ്പ സാ​ധ്യ​ത: റി​പ്പോ, റി​വേ​ഴ്സ് റി​പ്പോ നി​ര​ക്കു​ക​ൾ മാ​റ്റാ​തെ റി​സ​ർ​വ് ബാ​ങ്ക്

ന്യൂ​ഡ​ൽ​ഹി: റി​പ്പോ, റി​വേ​ഴ്സ് റി​പ്പോ നി​ര​ക്കു​ക​ളി​ൽ മാ​റ്റം വ​രു​ത്താ​തെ റി​സ​ർ​വ് ബാ​ങ്ക്. പ​ണ​വാ​യ്പ ന​യ​സ​മി​തി പു​ന​സം​ഘ​ടി​പ്പി​ച്ച​തി​നു​ശേ​ഷ​മു​ള്ള ആ​ദ്യ പ​ണ​വാ​യ്പ ന​യ അ​വ​ലോ​ക​ന യോ​ഗ​ത്തി​ലാ​ണ് ഈ ​തീ​രു​മാ​നം കൈ​ക്കൊ​ണ്ട​ത്.

ബാ​ങ്കു​ക​ൾ​ക്ക് റി​സ​ർ​വ് ബാ​ങ്ക് ന​ൽ​കു​ന്ന വാ​യ്പ​യു​ടെ പ​ലി​ശ​നി​ര​ക്കാ​യ റി​പ്പോ​നി​ര​ക്ക് നാ​ലു ശ​ത​മാ​ന​മാ​യി തു​ട​രും. ബാ​ങ്ക് നി​ര​ക്കും മാ​ർ​ജി​ന​ൽ സ്റ്റാ​ൻ​ഡിം​ഗ് ഫെ​സി​ലി​റ്റി​യും അ​തേ​പോ​ലെ തു​ട​രും.

4.2 ശ​ത​മാ​ന​മാ​ണ് ബാ​ങ്ക് നി​ര​ക്ക്. ബാ​ങ്കു​ക​ളി​ൽ​നി​ന്ന് റി​സ​ർ​വ് ബാ​ങ്ക് വാ​ങ്ങു​ന്ന വാ​യ്പ​യ്ക്കു​ള്ള പ​ലി​ശ​നി​ര​ക്കാ​യ റി​വേ​ഴ്സ് റി​പ്പോ നി​ര​ക്കും 3.35 ശ​ത​മാ​ന​മാ​യി നി​ല​നി​ർ​ത്തി.

കോ​വി​ഡ് വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ സ​ന്പ​ദ്വ്യ​വ​സ്ഥ​യി​ൽ പ്ര​തി​സ​ന്ധി തു​ട​രു​ക​യാ​ണ്. ഇ​ത് ക​ണ​ക്കി​ലെ​ടു​ത്തു പ​ലി​ശ​നി​ര​ക്കു കു​റ​ച്ചു വി​പ​ണി​യി​ൽ കൂ​ടു​ത​ൽ പ​ണ​ല​ഭ്യ​ത ഉ​റ​പ്പാ​ക്കു​ന്ന നി​ല​പാ​ട് തു​ട​രു​മെ​ന്നു ശ​ക്തി​കാ​ന്ത ദാ​സ് അ​റി​യി​ച്ചു.

യോ​ഗ​ത്തി​ൽ അം​ഗ​ങ്ങ​ളെ​ല്ലാ​വ​രും നി​ര​ക്ക് നാ​ലു​ശ​ത​മാ​ന​ത്തി​ൽ നി​ല​നി​ർ​ത്തു​ന്ന​തി​ന് അ​നു​കൂ​ല​മാ​യാ​ണു വോ​ട്ടു​ചെ​യ്ത​ത്. ഓ​ഗ​സ്റ്റി​ൽ 6.69 ശ​ത​മാ​ന​മാ​യി​രു​ന്നു പ​ണ​പ്പെ​രു​പ്പം. കോ​വി​ഡ് വ്യാ​പ​ന​ത്തെ​തു​ട​ർ​ന്നു വി​ത​ര​ണ ശൃം​ഖ​ല​യി​ൽ ത​ട​സ​മു​ള്ള​തി​നാ​ൽ വ​രും​മാ​സ​ങ്ങ​ളി​ലും വി​ല​ക്ക​യ​റ്റം കൂ​ടാ​നാ​ണു സാ​ധ്യ​ത​യെ​ന്നു യോ​ഗം വി​ല​യി​രു​ത്തി.