എനിക്ക് ഒരിക്കലും എന്‍റെ ജീവിതം പ്ലാൻ ചെയ്തുകൊണ്ടുപോകാൻ കഴിഞ്ഞിട്ടില്ല. നമ്മൾ വിഷമിച്ചിരുന്നാലും കരഞ്ഞാലും നമ്മുടെ ആരോഗ്യമാണ് ഇല്ലാതാവുക. മറ്റാർക്കും ഒരു പ്രശ്നവും ഉണ്ടാകണമെന്നില്ല.
പിന്നെ എന്തിനു നമ്മൾ വിഷമഘട്ടങ്ങളെ കുറിച്ചോർത്തു ദുഃഖിച്ചിരിക്കണം. ജീവിതത്തിൽ പെട്ടെന്ന് ദേഷ്യം വരുന്ന ആളാണ് ഞാൻ.
ഷോർട്ട് ടെംപേർഡ് ആണോ എന്ന് ചോദിച്ചാൽ ഇപ്പോൾ കുറച്ചു ഇംപേഷ്യന്‍റ് ആണ്. സത്യസന്ധത കാണിക്കാത്ത ആളുകളെ തിരിച്ചറിയാൻ ആയാൽ എനിക്ക് വലിയ ഇറിറ്റേഷൻ തോന്നാറുണ്ട്.
അതേപോലെ മറ്റൊരു കാര്യം കൃത്യനിഷ്ഠ പാലിക്കുന്നതിലാണ്. അത് മക്കളോടും അങ്ങനെതന്നെ ആയിരുന്നു, അതിലൊക്കെ ഇറിറ്റേറ്റ് ആകാറുണ്ട്. പണ്ടൊക്കെ വിഷമം വന്നാൽ ഒരിടത്ത് ഇരുന്ന് കരയും. പക്ഷെ ഇപ്പോൾ ഞാൻ ദേഷ്യപ്പെടാറാണ് പതിവ്. -ശാന്തി കൃഷ്ണ
