ബോളിവുഡ് ബാദ്ഷാ ഷാരൂഖ് ഖാന്റെ മകന്‍ ആര്യന് ഖാന്‍ മയക്കുമരുന്ന് കേസുമായി ബന്ധപ്പെട്ട് അറസ്റ്റിലായതാണ് ഇപ്പോള്‍ സിനിമാലോകത്തെ ചര്‍ച്ചാവിഷയം.
ഇതിനു പിന്നാലെ വൈറലാവുന്നത് ഷാരൂഖ് ഖാന്റെ ഒരു പഴയ വീഡിയോയാണ്. വര്‍ഷങ്ങള്‍ക്ക് മുമ്പ് ആര്യന് കുഞ്ഞായിരിക്കുമ്പോള്‍ ഷാറൂഖും ഭാര്യ ഗൗരി ഖാനും നല്‍കിയ ഒരഭിമുഖത്തിന്റെ ഭാഗമാണ് ഇപ്പോള്‍ പ്രചരിക്കുന്നത്.
തന്റെ കുടുംബ ജീവിതത്തെക്കുറിച്ചും സിനിമാ ജീവിതത്തെക്കുറിച്ചും ഷാറുഖ് ഈ അഭിമുഖത്തില്‍ തുറന്നു പറയുന്നുണ്ട്. ഇടയ്ക്ക് തന്റെ മകനെക്കുറിച്ചുള്ള ചോദ്യത്തിന് തമാശ രൂപേണ ഷാറുഖ് മറുപടി നല്‍കുന്നുമുണ്ട്.
ആര്യന് അവന് ആഗ്രഹമുള്ളതെല്ലാം ചെയ്യാന്‍ അനുവദിക്കുമെന്നും അവന് മയക്കു മരുന്ന് ഉപയോഗിക്കാനും സ്ത്രീകളുടെ പിന്നാലെ നടക്കാനും അനുവദിക്കുമെന്നും ഷാരൂഖ് പറയുന്നു
ഞാന്‍ അവനോട് പറഞ്ഞിട്ടുണ്ട്. അവന് പെണ്‍കുട്ടികളുടെ പിന്നാലെ നടക്കാനും എത്ര വേണമെങ്കിലും പുകവലിക്കാനും കഴിയുമെന്ന്.
അവന് മയക്കു മരുന്ന് ഉപയോഗിക്കാനും കഴിയുമെന്ന്, ഷാറുഖ് വീഡിയോയില്‍ പറയുന്നു. സിമി ഗെര്‍വാളുമായി നടത്തിയ അഭിമുഖത്തിലായിരുന്നു നടന്റെ പരാമര്‍ശം.
അന്ന് തമാശയ്ക്ക് പറഞ്ഞ വാക്കുകള്‍ സത്യമായെന്ന് പറഞ്ഞ് നിരവധി പേരാണ് ഈ വീഡിയോ ഇപ്പോള്‍ പങ്കുവയ്ക്കുന്നത്.
