അവണൂർ (തൃശൂർ): മുണ്ടൂരിൽ ഇന്നു പുലർച്ചെ ഇരട്ടക്കൊലക്കേസ് പ്രതിയെ വെട്ടിക്കൊലപ്പെടുത്തി. വരടിയം സ്വദേശി സിജോയാണ് കൊല്ലപ്പെട്ടത്. 2019 ഏപ്രിൽ 24ന് രണ്ടുപേരെ വാനിടിച്ച് വീഴ്ത്തി വെട്ടിക്കൊന്ന കേസിലെ പ്രതിയാണ് സിജോ.
ജാമ്യത്തിലിറങ്ങിയ ശേഷം ഇയാൾ സ്വകാര്യ ബസിൽ ജോലിചെയ്യുകയായിരുന്നു. കഴിഞ്ഞദിവസം രാത്രി സുഹൃത്തിന്‍റെ വീട്ടിലെത്തി ബൈക്കിൽ മടങ്ങുന്പോൾ തടഞ്ഞുനിർത്തിയാണ് വെട്ടിയതെന്ന് പോലീസ് പറയുന്നു.
പോലീസെത്തി ഇയാളെ ആശുപത്രിയിലേക്കു കൊണ്ടുപോയെങ്കിലും മരിച്ചു. കഞ്ചാവ് കേസിലെ കുടിപ്പകയാണ് കൊലയ്ക്കു കാരണമെന്നാണ് പൊലീസ് നിഗമനം.
