ഇപ്പോൾ പുറത്തുവരുന്നതിനേക്കാൾ വലിയ ഉന്നതബന്ധങ്ങളും സ്വാധീനശേഷിയും കാര്യശേഷിയും സ്വപ്ന സുരേഷിനുണ്ടെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്.
കേരളത്തിലും ഗൾഫിലും ഏതു കാര്യവും നടത്തിയെടുക്കാനുള്ള സുഹൃദ് വലയവും ബന്ധങ്ങളും സന്പത്തും ഇവർ നേടിയെടുത്തിട്ടുണ്ട്. സ്വപ്ന റാണി കേരളത്തിൽ ഇരുന്നാൽ മതി, ഗൾഫിലെ മരുഭൂമിയിൽ വരെ എന്തും അറേഞ്ച് ചെയ്യാൻ കഴിയും.
അത്രയ്ക്കായിരുന്നു സ്വാധീനശേഷിയും ബന്ധങ്ങളും സഹായികളും. കേരളത്തിലെ ചില ഉന്നത ഉദ്യോഗസ്ഥരും രാഷ്‌ട്രീയക്കാരുമൊക്കെ സ്വപ്നയുടെ ഇത്തരം സേവനങ്ങൾ ആസ്വദിച്ചിട്ടുണ്ടെന്നാണ് ഗൾഫിൽനിന്നു ലഭിക്കുന്ന വിവരങ്ങൾ.
കേരളത്തില്‍നിന്നു ചില ഉന്നത ഉദ്യോഗസ്ഥര് ദുബായിയിലേക്കു പോകുമ്പോള്‍ ഇവിടെ ഇരുന്നുകൊണ്ട് അവിടെ ആഡംബര സംവിധാനങ്ങള്‍ സ്വപ്ന ഒരുക്കിനൽകിയിരുന്നു.
മരുഭൂമിയില്‍ അതീവ രഹസ്യമായി ഡെസെര്‍ട്ടി സഫാരിയും ബെല്ലി ഡാന്‍സുമുള്‍പ്പെടെ ഒരുക്കാനും ഇവര്‍ക്കു സാധിച്ചിരുന്നതായി ദുബായിയില്‍നിന്നുള്ള റിപ്പോര്‍ട്ടുകളില്‍ പറയുന്നു.
(തുടരും)
