നെവാഡ (യുഎസ്): ആധുനിക ഹെവിവെയ്റ്റ് ബോക്സിംഗിലെ ക്ലാസിക് പോരാട്ടമായി വിശേഷിപ്പിക്കപ്പെട്ട മത്സരത്തിൽ അമേരിക്കയുടെ ഡിയോട്രി വിൽഡറിനെ നോക്ക് ഔട്ടാക്കി ഇംഗ്ലീഷുകാരൻ ടൈസണ്‍ ഫ്യൂരി ഡബ്യുബിസി (ലോക ബോക്സിംഗ് കൗണ്‍സിൽ) ചാന്പ്യൻഷിപ്പ് നിലനിർത്തി.
11-ാം റൗണ്ടിലാണ് ഫ്യൂരി, വിൽഡറിനെ നോക്ക് ഔട്ടാക്കിയത് (ഇടിച്ചുവീഴ്ത്തൽ). ദ ബ്രൗണ്‍ ബോംബർ എന്നറിയപ്പെടുന്ന വിൽഡർ പോരാട്ടത്തിനിടെ രണ്ട് തവണ ടൈസണ്‍ ഫ്യൂരിയെ നോക്ക് ഡൗണ്‍ (നിലത്ത് വീഴുക) ചെയ്തിരുന്നു.
