കോട്ടയം: ലോകസഭാ തെരഞ്ഞെടുപ്പിൽ വോട്ട് രേഖപ്പെടുത്തി മന്ത്രി വി.എൻ. വാസവൻ ഇന്ന് ജോർജിയയിലേക്ക് യാത്ര തിരിക്കും. 28 മുതൽ 30 വരെ നടക്കുന്ന ഏഷ്യാ പസഫിക് കോ-ഓപ്പറേറ്റീവ് മൂവ്മെന്‍റ് കോൺഫറൻസിൽ പങ്കെടുക്കാനാണ് അദ്ദേഹം പോകുന്നത്.
സഹകരണ വകുപ്പ് സെക്രട്ടറി മിനി ആന്‍റണിയും ഒപ്പമുണ്ട്. കേരളത്തിലെ സഹകരണ മേഖല കൈവരിച്ച നേട്ടങ്ങളെ കുറിച്ചു പ്രസംഗിക്കാനും വീഡിയോ പ്രദർശനത്തിനും അവസരമുണ്ട്.
കോട്ടയത്ത് തോമസ് ചാഴികാടൻ വിജയിക്കുമെന്ന ശുഭ പ്രതീക്ഷയിലാണ് യാത്ര. പാമ്പാടി എംജിഎം ഹൈസ്കൂളിൽ കുടുംബസമേതമെത്തിയാണു മന്ത്രി വി.എൻ. വാസവൻ വോട്ടു രേഖപ്പെടുത്തിയത്.
