പതിമൂന്നാം നിലയിൽ നിന്ന് ഒരു മനുഷ്യൻ താഴേക്ക് വീണാൽ എന്തായിരിക്കും സംഭവിക്കുക. ചിലപ്പോൾ മരണം വരെ സംഭവിച്ചേക്കാം. എന്നാൽ 13-ാം നിലയില്‍ നിന്നും താഴേക്ക് വീണ 22കാരി നിസാര പരിക്കുകളോടെ രക്ഷപ്പെട്ടിരിക്കുകയാണ്.
റഷ്യയിലെ നോവോസിബിഴ്‌സ്‌ക് എന്ന നഗരത്തിലാണ് സംഭവം. ജൂലൈ പതിനെട്ടിനാണ് 22കാരി 13-ാം നിലയില്‍ നിന്നും താഴേക്ക് വീണത്. ഇതിന്‍റെ സിസിടിവി ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരുന്നു. അപ്പാര്‍ട്ട്‌മെന്‍റിന് താഴെയുള്ള പുല്‍ത്തകിടിയിലേക്കാണ് യുവതി വന്നുവീണത്.
വീഡിയോ കണ്ട് പലരും അദ്ഭുതപ്പെടുകയായിരുന്നു. യുവതിയുടെ പേരോ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. പരസഹായമില്ലാതെയാണ് യുവതി ആംബുലന്‍സിലേക്ക് കയറിയതും.
എന്നാല്‍ എങ്ങനെയാണ് യുവതി താഴേക്ക് വീണതെന്ന കാര്യം ഇപ്പോഴും അവ്യക്തമാണ്. മുകളിലെ ജനാലയ്ക്കരികില്‍ നിന്ന് കാലുതെറ്റി വീണതാകാം എന്നാണ് പലരും പറയുന്നത്. യുവതിയ്ക്ക് കാര്യമായ പരിക്കുകളേറ്റിട്ടില്ലെന്ന് ആശുപത്രി അധികൃതരും പറഞ്ഞു.
😲 In Novosibirsk, Russia, a 22-year-old girl fell from a 13th floor window and survived.
— Zlatti71 (@Zlatti_71) July 20, 2024
After a landing, the girl was able to roll over on her own and sit on the lawn.
She was later taken to the hospital with a lung contusion, bruises and no fractures.
– FRWL reports pic.twitter.com/jSxUCRKVFQ
